👈((❤🌹قصه نيفين فتاة الليل🌹❤))👉
#القصه كامله بدون اجزاء
نيفين فتاة ليل تعمل في نفس المكان التي ترقص به امها تصطاد زبائنها من نفس المكان ولانها فتاه جميلة خفيفة الظل شرسة احيانا جعلها ذلك مميزة عن الاخريات مما دفع الكثيرين الي الزحف ورائها وهم علي اتم الاستعداد لدفع الكثير والكثير مقابل ان قضاء وقت ممتع معها وذات مره جأها هاني يعمل بالمكان وفي نفس الوقت قواد
هاني .. يلا يا نيفين بسرعة مفيش وقت
نيفين .. ايه في ايه ؟!!
هاني .. باشا كبير اوي عاوزك حالا
نيفين .. عاوزني فين ؟!!
هاني .. عاوزك عنده في القصر بتاعة دا عنده حتة قصر تحفة يا بت
نيفين .. لا قله اسفين البروجرام انهاردة كومبليت خليها وقت تاني
هاني .. وقت تاني ايه يا بت !! بقلك باشا كبير اوي وباعت عربية كبيرة عشان تاخدك توصلك ليه وجاي معاها بودي جاردات اميريكاني انتوا عاوزاهم يخشوا يكسروا الصالة علينا
نيفين .. خلاص ابعتله البت فتحية
هاني .. بقلك يا بت عاوزك بالاسم
نيفين .. وهو عرف اسمي منين ياخويا ؟!!
هاني .. يا بنت انتي اشهر من النار علي العلم .. هو انتي شوية دا انتي فاضلك حبه وتاخدي جايزة نوبل في الاداب .. هههههه
نيفين .. لا دمك خفيف .. طلع قله مش فاضية
هاني .. تاني ؟!! يا بت بقلك عاوزك دلوقتي حالا انتي مبتفهميش الغي اي اوردر انهاردة وروحيلة
نيفين .. هيدفع كويس يعني ؟!!
هاني .. دا اللي هتطلبيه وبالدولار كمان
نيفين .. بالدولار؟!!
هاني .. امال ايه يا بت بقلك باشا كبير اوي .. صدفيني لو ينفع كنت رحت انا ..ههههه
نيفين .. ينيلك يا موكوس .. ماشي يلا بينا
تذهب نيفين الي قصر هذا الرجل فتنبهر من جمال القصر وفخامته وعلمت انه قضي عمرا كبيرا في اميريكا وانه قد عاد الي مصر منذ فترة قصيرة .. تنتظر في الاسفل حتي يخبرها الخدم بالصعود الي غرفته بالطابق الاعلي وتصعد نيفين حتي تدخل الي غرفة النوم تستعد وتتزين امام المرأة وتضع رائحة جميلة وتُخرج قميص نوم من شنطتها الهاند باج وترتديه وتجلس في انتظار صاحب القصر الذي طال غيابه فقلقت وظنت انه لن يحضر وفجأة دخل عليها رجل شديد بياض الشعر له هيبة شديدة ووقار فابتسم عندما رأها بهذا الشكل وقال لها ... ههههههه ايه يا نيفين مش نتعرف الاول
المليونير العجوز ويدعي رشدي عندما يفتح باب غرفة النوم ويري نيفين ترتدي قميص النوم ذات اللون الاحمر وتنتظره علي السرير يعلق قائلا ..
رشدي .. ايه دا يا نيفين ؟!! طب مش نتعرف الاول
نيفين تري رجل يتجاوز من العمر الخمسين ذو شعر ابيض كثيف وله هيبة ووقار شديدين فتعجب به من اول وهله ..
نيفين .. انت الراجل اللي بيقوله عليه هيموت عليا ؟!!
رشدي .. ههههههه .. هموت عليكي !!!
نيفين .. ايوه مش راسك والف سيف اجيلك دلوقتي يبقي هتموت عليا
رشدي .. مفيش مشكلة . اعتبريني هموت عليكي
نيفين .. طيب قالولي هتدفع بالدولار
رشدي .. بالدولار ؟!!
نيفين .. ايوه الراجل بتاعك اللي انت بعته قالي كدا .. ولا شكلك في الاخر شحات والقصر ده مش بتاعك
رشدي .. مش ملاحظة ان لسانك طويل حبتين؟!!
نيفين .. لا وانت الصادق طويل مترين .. لخص هتدفع اللي اتفقنا ولا لا
رشدي .. هدفعلك اللي انتي عاوزاه
نيفين .. بالدولار
رشدي .. بالدولار . حاضر
نيفين .. طب يلا تعالي خلينا نخلص من الليلة دي
رشدي .. انتي مستعجلة ليه اوي كدا مش نشرب حاجة الاول ونتعرف علي بعض
نيفين .. هوا انت هتتجوزني عاوز تتعرف عليا !! لخص وخش في الموضوع
رشدي .. انتي لسانك سليط بس عجباني
نيفين .. لو مكنتش عجباك مكنتش بعتلي .. قلي اوعي يكون عندك القلب ولا حاجة تموت في ايدي وتحيبلي مصيبة .. حكم في رجالة طفسة تعمل رجالة وفي الاخر تفيص
رشدي .. هههههه لا متخافيش
نيفين .. طيب يلا
رشدي .. قلتلك متستعجليش قومي البسي هدومك
نيفين .. البس هدومي !! ايه الليلة اللي مش فايتة دي .. البس هدومي ليه ؟! رجعت في كلامك ولا ايه ؟!!
رشدي .. يا ستي مرجعتش في كلامي ولا حاجة بس تعالي نخرج الاول اسهرك سهرة جميلة عمرك ما تحلمي بيها بعد كدا نرجع نكمل سهرتنا هنا
نيفين .. ماشي .. بس كدا الحساب هيزيد لانك كدا هتعطلني
رشدي .. هدفعلك كل اللي تطلبيه ومقدم كمان
نيفين .. تمام اتفقنا
ثم تذهب ورشدي الي مكان شاعري ويطلب منها ان يرقص معها علي انغام شاعرية ونيفين توافق
نيفين .. يعني بتعرف ترقص يا مدروب
رشدي .. انا بعرف ارقص اي رقصة تعجبك
نيفين .. فعلا انت لسة راجع من امريكا
رشدي .. ٢٥ سنة في امريكا
نيفين .. يابختك طبعا وكنت بتقعد مع الخواجات امات عيون خضرا وشعر اصفر
رشدي .. هههههه .. قعدت كتير اوي بس عادي جدا يعني
نيفين .. تلاقيك دلوقتي بتقول عليا معفنه بالنسبة للبنات اللي كنت بتشفها هناك
رشدي .. بالعكس مفيش احسن من البنت العربيه بالنسبة لي
نيفين .. معقول البنت العربية في نظرك احسن من الخواجاية ؟!!
رشدي .. اكيد .. البلدي يوكل يا نيفين
نيفين .. هو انت اسمك ايه ؟
رشدي .. رشدي
نيفين .. اسمك جميل ووقور زيك تصدق اني لما شفتك جسمي قشعر
رشدي .. ليه ؟
نيفين .. مش عرفة حسيت كدا بانك شخص تقيل وله هيبه .. هو انت بتشتغل ايه ؟
رشدي .. انا رجل اعمال عندي شركات بره وهنا
نيفين .. اه .. حاجة كبيرة يعني
رشدي .. بقلك ايه تعالي نطلب العشا .. انا نفسي في السمك اوي .. هطلبك كل انواع السمك اللي في الدنيا
نيفين .. اه عاوز تاكل سمك .. اه يا لئيم فهماك
تتناول نيفين العشاء مع رشدي ثم يعودان الي القصر
ماذا حدث بعد ذلك .. تكملة القصة بعد قليل التفاعل والمشاركة ضمان لوصول باقي القصة اليك .. تحياتي
تصل نيفين ورشدي الي القصر ويبدوا انهما متعبان جدا من تلك السهرة الجميلة
رشدي .. خشي انتي بقي خدي شاور منا ما اجهز انا
نيفين .. يعني ايه مش فاهمة؟!!
رشدي .. يعني ادخلي الحمام استحمي
نيفين .. طب ما تقول خشي استحمي هو انت فاكرني كنت في امريكا زيك !!! ماشي حاضر .. بس متكترش براشيم خليك حنين
رشدي .. براشيم ايه ؟!!
نيفين .. منشطات .. انت مش لسة قايل لحد ما اجهز .. يعني لحد ما مفعول البرشام يشتغل
رشدي .. بس انا مكنتش اقصد كدا
نيفين .. امال تقصد ايه يا نمس .. والله شكلك خلبوص كبير بس مش باين عليك .. يخرب بيتك اوعي يا منيل يكون عندك الايدز ؟!! حكم اميريكا مليانه بالمصايب دي
رشدي .. انتي لسانك ده مبيهداش ابدا ؟!! يا ستي متخافيش انا صاغ سليم
نيفين .. طيب .. انا داخلة اخد باور
رشدي .. اسمها شاور
نيفين .. يا عم شاور ولا باور انت هتدقلي ع الواحدة .. حالا اخرج باي مؤقتا
وتدخل نيفين لتأخذ شاور وبعدها تخرج من الحمام فتجد رشدي نائم ويشخر تسمع صوت الشخير وتقول
نيفين .. ايه الصوت ده ؟؟! ينيلك هو انت نمت وبتشخر !! .. وجاي تقلي اجهز نفسي!! .. يا رشدي باشا .. يا رشدي بي .. يا عم رشدي .. الراجل نام .. وعاملي فيها سوبر مان .. طب ايه العمل دلوقتي اخد بعضي وامشي ؟ لا حرام طب والفلوس اللي دفعهالي .. خلاص اجيلة بكره هو انا هسرقة يعني .. ولا شكله في الاخر هيطلع ي ي ي .. ومش هيقضي مصلحة ثم تلفت نظرها صورة قديمة ابيض واسود وهو صغير ويحمل في يده طفله رضيعة .. وتقول لنفسها .. ودي مين دي كمان ؟ شكلها بنته .. يعني متجوز .. يخرب بيتك متحوز وهلاس .. ثم تنظر اليه وتمعن النظر وتقول نفسها .. بس سيبك جينتل حتي وانت نايم لا شخصية بصراحة .. ثم تقترب منه وتضع رأسها علي يده وتشعر بالسعادة لهذا الفعل ثم يغلبها النوم
تستيقظ نيفين من نومها فتجد نفسها في فراش رشدي تتعجب لنفسها كيف نامت كل هذا النوم العميق تتحسس رشدي فلم تجده بجوارها وفجاة يدخل رشدي حجرة النوم ويراها قد استيقظت فيبتسم لها
نيفين .. ايه ده هو انا نمت هنا؟!!
رشدي .. ونمتي علي دراعي كمان لحد ما وجعني
نيفين .. انا اسفة معلش .. بس بجد اول مره انام وانا مرتاحة واقوم مبسوطة وفايقة
رشدي .. تمام شئ جميل .. قومي بقي خدي الشاور بتاعك عشان نفطر مع بعض
نيفين .. ايه ؟!! اه فهمت قصدك استحمي
رشدي .. يضحك .. ايوه قومي يلا مستنيكي تحت
تاخذ نيفين الشاور بتاعها ثم تنزل لتفطر مع رشدي وطوال الجلسة تركز نظرها علي رشدي ويلاحظ ذلك
رشدي .. في ايه بتبصيلي كدا ليه ؟!!
نيفين .. مش عرفة !!! ممكن اسألك سؤال؟
رشدي .. اتفضلي
نيفين .. انت ليه طلبت نخرج مع بعض امبارح ورقصت معايا واتعيشنا سوا كمان ؟
رشدي .. اه .. صدقيني مش عارف .. بس لما شفتك اتمنيت اني اخرج معاكي وان انا وانتي نرقص مع بعض .. حبيت فعلا اعمل كدا معاكي
نيفين .. تصدق اني اول مرة اشوف انسان بيعاملني علي اني انسانة بجد مش مجرد واحدة يقضي معاه ليلة جميلة عنوانها الشهوة الجنسية وبس .. انت ليه منمتش معايا امبارح؟وكنت كل ما اطلب منك دا كنت بتحجج
رشدي .. لاني شايفك من ناحية تانية خالص غير الجنس .. انتي جواكي نضيف اوي يا نيفين وفرحت اوي لما صحيت ولقيتك نايمة علي دراعي زي الطفلة البريئة . انتي ليه بتعملي كدا ؟!!
نيفين تدمع عيناها .. ليه بعمل كدا ؟؟! السؤال ده متأخر اوي انا اتولدت لقيت امي بتعمل كدا ومتربتش غير علي كدا نشات في بيئة كلها رقص وسهر وليالي حمرا كان لازم ابقي كدا
رشدي .. هي مامتك زيك كدا؟
نيفين.. مش بالظبط كدا بس ماما رقاصة
رشدي .. باباكي فين ؟
نيفين .. مشوفتوش من ساعة ما وعيت ع الدنيا ماما بتقلي سابها وطفش وانا عمري سنة .. الا قلي انا شفت صورة ليك وانت شايل مولود صغنن .. دا ابنك؟
رشدي .. قصدك بنتي .. هي المفروض تكون في سنك دلوقتي
نيفين .. المفروض !! ليه هي مش عايشة معاك ؟
رشدي .. للأسف سبتها وكان عمرها سنه وسافرت امريكا وعلي فكرة مامتها كانت رقاصة برضوا
نيفين .. يا محاسن الصدف .. يعني زي ما قلت انت راجل هلاث انا مكدبتش
رشدي .. هترجعي تقبحي تاني؟!!
نيفين .. لا خلاص .. ثم تقترب منه وتقول .. صدقني عمري ما اتمنيت حد ينام معايا طول عمري بتاخد غصب عني وببقي قرفانه من نفسي الوحيد اللي اتمنيته ينام معايا هو انت .. مش عرفة ليه.. ثم تمسك يده وتحسس بها علي وجهها وفحأة وبدون مبرر يدفع يدها بعيدا فتتعجب نيفين لهذا الفعل وتقول
نيفين .. انت ليه عملت كدا؟!!
نيفين تتعجب عندما يسحب يده فجأة بعدما قامت نيفين بوضعها علي خدها
نيفين .. انت ليه عملت كدا؟!!
رشدي .. قومي روحي يا نيفين
نيفين .. اروح ؟!! اروح ازاي احنا لسة معملناش حاجة ثم تحاول ان تقترب منه ورشدي يمنعها
نيفين .. فيه ايه !! ايه الحكاية ؟!! اتقلبت ليه فجأة ؟!!
رشدي .. مفيش يا نيفين خليها بكرة
نيفين .. اها .. هو انت منهم ؟!!
رشدي .. من مين ؟!!
نيفين .. من الجماعة بتوع ان مكنش انهاردة يبقي بكرة .. امال جايبني ليه علي ملي وشي !! واللي يشوف كدا يقول هتسوي الهوايل
رشدي .. قلتلك خليها بكرة يا نيفين ..
نيفين .. وانا مش تحت امرك
رشدي .. انا دفعلتلك اللي طلبتية ومعملتش حاجة ومع ذلك الفلوس مش عاوزها خليها عشانك والمرة الجاية بحساب جديد اتفقنا؟
نيفين .. صدقني لو عاوز فلوسك خدها .. انا مش عاوزة فلوس كفاية اني حسيت جمبك باني انسانه بجد مش مجرد جارية بايعة نفسها للمتعة الحرام وبس
رشدي .. نيفين مش عايزك تعملي .. مش عايز حد يقرب من جسمك تاني .. والفلوس اللي انتي عايزاها انا هديهالك انا عايزك تنسي القرف اللي انتي عايشة فين ده .. ابدأي حياه جديدة ونضيفة وانا هساعدك بكل ما املك
نيفين متعجبة ..غريبة !! وانت ايه اللي جابرك علي انك تدفعلي فلوس عشان ابعد عن طريقي ده .. انت متعرفنيش !!!
رشدي .. مش عارف .. بس حاسي اني اعرفك من زمان .. المهم اوعديني ان محدش هيقرب من جسمك تاني
نيفين .. اوعدك اني محدش هيلمسني تاني ابدا .. غيرك وتحاول ان تفبله في شفتيه فيتجاهل ذلك ويقبلها في جبينها
نيفين تتعجب لهذه الافعال
رشدي .. يلا روحي انتي مع السلامة وانتظري مني تليفون
تذهب نيفين مع انها لا تريد ان تغادره داخلها شئ يجعلها تتمني ان تبقي بجواره باقي حياتها وترجع نيفين الي المنزل وبدلا من تسألها امها وهاني القواد عن سبب مبيتها خارج منزلها سألوها كم جمعت من مال مقابل هذا المبيت فأخرجت لهم الدولارات فرحوا ببها وشجعهوها علي استنزافه بكل ما لديها من امكانيات ولكن نيفين لديها احساس مختلف ناحية هذا الرجل الذي جذبها نحوه من اول نظرة احساس غريب وفريد من نوعه اول مرة تشعر به ليس احساس رغبه جنسية نحوه ولكنه احساس ارقي واطهر من ذلك غاب عنها ولم يتصل بها فذهبت الي القصر لتسأل عنه فعرفت انه مريض فأبت ان تذهب وتتركة ظلت بجواره حتي استعاد صحته سألها لما فعلتي ذلك فردت بنفس الاجابة التي رد بها عليها عندما سألته لماذا يريدها ان ترك طريق الحرام وسوف يساعدها بكل ما يملك .. لا ادري .. اجابة واحدة لكل الاسئلة .. وفي يوم سألته سؤال غريب
نيفين .. انت ليه لحد الان مش عايز تلمسني؟!!
رشدي .. نفسي مش مطوعاني .. في حاجة جوايا منعاني اقرب منك .. مش حاسي ناحيتك باي اثارة جنسية
نيفين .. اما حاسس ناحيتي بايه؟!!
رشدي .. انك تبقي جمبي وخلاص وقدام عيني علطول
نيفين .. نفس احساسي ناحيتك .. ممكن اصورك ع الموبيل عندي عشان وانا بعيد عنك واحس انك واحشني اقوم اتونس بصورتك
رشدي .. طبعا
وتمر الايام ونيفين تتمرد علي عملها القبيح مما يثير غضب الام وهاني القواد الذين يرمون باللوم علي هذا الرجل المجهول الذي دخل حياتها وجعلها تتمرد علي عملها كفتاة ليل وكانت حجتها انه يعطيها ما تريد فتعطيه لهم مقابل انها عاهدته علي عدم العودة الي هذا الطريق المظلم ابدا وبالصدفه نتيجة فضول الام لمعرفة هذا الرجل شاهدت صورته علي موبيل ابنتها وكانت الفاجعة انه كمال والد نيفين الذي تركها وهي عمر عام وذهب ولم يعرف احد مكانه وحكت لها انها هي التي كانت السبب فقد اصرت الام علي عملها كراقصو والاب كان يرفض ذلك فطلبت الطلاق ورفضت اعطاءة البنت فطلقها لرغبتها ولا احد يعلم عنه شيئا بعد ذلك حتي عاد بعد ٢٥ عام ولكن رجل اخر باسم اخر بكت نيفين بعينها ولكن فرح قلبها فبعد هذا العمر وجدت ابيها وكأنه عاد في هذا التوقيت لينقذها من بحر الرزيلة فذهبت اليه وقصت عليه ما حدث فبكي هو الاخر وشكرا الله علي انه جمعهما مرة اخري وعرفا السبب الذي جعلهما لا يفعلان الفاحشة انها المنطقة المحرمة الاب وابنته .. عادت مع ابيها الي اميريكا فابت ان تعيش في مصر لا تريد شيئا يذكرها بالماضي المؤلم .وهناك بدأت حياه جديدة ونظيفة.
تابعوني ليصلكم مزيد من القصص....
المشاركات
تعليقات