اغرب اسباب بكاء الاطفال لن تتوقعوها

- بنتي منهارة من الصبح علشان عمرها ما شافت ديناصور...لما فهمتها انه انقرض عيطتت أكتر
- بنتي اعدت تعيط يوم كامل علشان جزمة العروسة بتاعتها مش راضية تدخل في رجلها
- بنتي فضلت تعيط ساعة علشان ضفيرتها مش طويلة زي ضفيرة السا من فروزن
- كل ما ابني يشوف صورة قديمة يعيط انا ليه مأخدتوش معايا..الي هي صوري من ايام المدرسة حتي
- ابني اعد يعيط علشان عايز يطير و مش عارف
- ان اليوم خلص و لما اقوله يوم التلات هيجي تاني الاسبوع الي جي يعيط و يصمم انه عايز التلات ده
- ابني نفسه يشوف اعصار و بيعيط علشانه
- بنتي عيطت علشان عايزة تشيلني و مش عارفة
- ابني اعد يعيط ساعة علشان قصينا ظوافره و عايز يركبها تاني
- بنتي عيطت علشان شديت السيفون قبل ما تشوف الي هي عملته
- ابني اعد يعيط كتير جداً علشان عايز الهلال الي في السما لانه مقتنع انه موزة
- ابني بعيط علشان عايز ياكل البسبوسة سخنة
- ينتي عايزة تلعب في التلج و تعمل snow man و مش مستوعبة فكرة اننا مش بينزل عندنا تلج
- علشان لسة متمتش ست سنين
- ابني بعيط علشان هو مش فيل و معندوش زلومة
- ابني بعيط علشان شاف صورة فرحي و مضايق ليه انا و باباه سبناه و مجاش معانا
- طلعتله حباية فوق شفايفه و مصمم اشيلها
- انا بنتي اخوها هضها فضلت تعيط ان مكان العضة راح لان شكل الساعة كان عاجبها
- علشان نفسه ياخد الملاهي معانا البيت
- بنتي بتعيط علشان ببص ليها
- ابني بعيط لما بيتاوب
- بنتي انهارت من العياط علشان بوستر ابله فهيتا اتشال من المحور
- ينتي بتعيط لو دبانة عدت من قدامها
- علشان الشمس طفت و بليل جه و عيزاني اشغلها تاني
- ابني عياط هيستيري علشان عايز يلبس التيشرت من تحت و يلبس البنطلون في دماغه
- عنده ٥ سنين و شاف صورته و هو بيشرب ببرونة فأفتكر انه رضعته صناعي و كدة معندوش مناعة و ممكن يموت
- ابني اعد يعيط ساعتين علشان طلعتله حسنة
- علشان قتلنا برص كان داخل الشقة و اعد يقولنا حرام عليكوا كنت هاخدوا يعيش معايا في الأوضة
- بنتي بتعيط لما بنشغل مساحات العربية
- علشان مش عارفة افتح العربية بقلم الألوان بدل المفتاح
- علشان اديت المكوجي لبس باباه
- بنتي عيطت لما اكتشفت رمضان الي جي ده شهر مش راجل
- ابني فضل يعيط علشان انا مش لابسة الشبشب و انا نايمة علي السرير
- بنتي بتعيط علشان عايزة تستحمي بمية ناشفة
- ابني لما باخد من منديل علشان انف..و بنتي عايزة تروح السما تتفرج عليها
- ابني بعيط كل لما بنشر الغسيل علشان الكلب هيطلع ياكله
- ابني بعيط علشان كل المدرسة لابسين زيه مش فاهم ان ده يونيفورم
- علشان شيلت البيضة من تحتها قبل ما تعد عليها...كدة البيضة مش هتفقس و تطلع كتكوت
- كل ما يشوف صورة لباباه ينهار من العياط و يروحله يقوله انت اهو
- صوت الخلاط
- ان السمكة هتطلع من حوض السمك و تاكلها
- عياط هيستيري علشان عايز يعمل pause لفيلم شغال علي mbc
- علشان شديت السيفون
- لما اتعلم عن الجنة...عايز يموت و يروحلها حالاً
- ابني عيطت لما عرف انه كان بياكل جوا بطني..قضل يعيط و يقولي اسف اني وجعتك
- ابني بعيط كل ما يشوفني انا و باباه قاعدين جنب بعض
- علشان شافت الجاكت بتاعها في الغسالة
- ابني بعيط علشان معندوش شعر في صدره زي باباه
- بنتي بتعيط علشان عايزة تنين بيطلع نار
- علشان عايز يدخل جوا التلاجة
- بنتي لما كان سنها حوالي 8 سنين انهارت من العياط وهي بتتفرج على فيلم كينج كونج في مشهد النهاية لما اتضرب بالنار ووقع من المبنى
..دلوقت ما شاء الله بقت مراهقة من جيل اليومين دول .. لو اتضربت انا شخصيا بالنار قدامها ولا حاتتأثر.
- بنتى كانت بتعيط وتسوط عياط هيستيرى وتقولى قوليلى انا عاوووزه ايه بقولك انا عاوزه ايه😄😄😄
- بنتي بتقعد تعيط لحد ما تنسى هي كانت بتعيط ليه ولما أقولها كفاية عياط تقولي مش عارفة اوقف😂😂😂
- ابني يامؤمنين بيعيط للعياط لأنه هواية عنده انه يعيط ولما أقوله ليه بس يابابا بطل عياط يقول العياط هو إلي بيجي لوحده
- بنتى وهى صغيره كانت اما ازعقلها تقعد تعيط وانا اطنشها تقولى تعالى صلحينى بقى انا تعبت من العياط
-  بنتى بتعيط وبتموت نفسها وتتنطط كل ما اغسلها العرايس ف الغساله بتقولى بتغرقيهم😅
- بنتى بتعيط ع العروسه كوكو وهى بتتغسل ومصممه اخليها تغمض عينيها وهى فالغساله وبعد ما تطلع متتنشرش تتغطى بالبطانيه علشان برد
- انا بنتي وهي صغيرة كانت هتموت علشان مش عارفه تركب عربية لعبة صغيره بحجم كف الايد وقلت عليها بعدها انها غبيه ....والوقت بقت مهندسة 🙂
- انا ابنى بيعيط من القمر انه كل مابيروح مكان بيلاقيه ماشى معاه ومفكره بيغيظه 😂😂
- ابن جارتنا اتفاجي وكان ع وشك العياط لما عرف ان مامته ليها اسم غير ماما 😂
ف مره ضربته عشان عمل حاجه غلط راح جاب الدبدوب بتاعه وقالي انا جبتلك الدبدوب يضربك
- ابنى في عيد الاضحى اللي فات الناس اللي قدمنا كان عندهم خروف وكان ابني علي طول يشوفوا ويفضل ينادي عليه وفاكر انو الخروف لما بيقول ماء كده الخروف بيكلمه ويرد عليه يوم العيد الناس دبحت الخروف وكان عم ابني هو اللي بيدبح ابني كان بيتفرج بس مش مستوعب بعد شويه وقف في الشباك وفضل ينادي علي الخروف ولما قولتلو فضل يعيط العيد كله المهم كمان سعات يقف في الشباك ويفضل يعيط و يقول يا عيني عليك يا خروفي دبحوك وانت صغير
- ابن اختي حلم ان انا كلت منو جبنة وصحي من النوم يعيط ويقول تفي الجبنة يابت 😂


‎