ليه بتحس إنك وحيد رغم إنك متجوز؟ 💔
شعور غريب ومؤلم ، بتكونو في نفس المكان ممكن بتتكلموا... بس في صدى بيقولك: "أنا لوحدي."
بتضحكوا وبتخرجوا بس الفراغ لسه موجود. تحس إنك مش مسموع، مش حاسس إنك موجود.
المسافة بينكم بتكبر، ومشاعرك مالهاش مكان
علماء النفس بيحذروا: أخطر حاجة في العلاقات مش الخلافات. الخطر الحقيقي هو "الوحدة وسط العلاقة". إنك تكون متجوز، بس تواجه كل حاجة لوحدك. بتتوجع لوحدك... ومفيش إيد بتسندك .
الزوج بيقول: "بشتغل وأصرف وأعمل كل حاجة، وهي عمرها ما سألت: تعبان؟والا مرتاح
الزوجة بتقول: "أطبخ وأنظف وأربي وأحاول أرضيه... وهو مش بيشوفني، ولا يحس بيا
العلاقة مش أكل وشرب ونوم وبس!
العلاقة أمان، احتياج إنك تحس إنك متشاف، مسموع، ومفهوم.
لما ده بيغيب، نقفل على نفسنا. نبعد، ونفضل ساكتين... ساكتين... لحد ما المسافة تتحول لجبال مستحيل تتعدي.
طيب ، والحل ؟
* اتكلم ، شارك مش قارئ أفكار.
* اسأل عن المشاعر مش بس عن تفاصيل اليوم.
* احضن حضن بيطمن، مش حضن بدون مشاعر
* افتح مساحة للأمان النفسي الصمت المؤلم أخطر كثير من الكلام الصعب.
الجواز مش مجرد بيت مشترك... الجواز مشاركة قلب.
لو حسيت بالوحدة، إياك تكتم الإحساس !
اتكلم، اطلب، وقول: "أنا محتاجك جنبي ، مش بس حواليا."
المشاركات
تعليقات