طريقه تحضير مربى التفاح

مربى تفاح

المقادير :
كيلو تفاح مقطع مكعبات صغيرة
كوب ونص سكر (ممكن تزودى لو تحبيها مسكرة اوى)
١/٢ كوب ماء
عصير ليمونة
١/٤ م ص قرفة بودر
عود قرفة خشب
الطريقة :
حطي التفاح في بولة وحطي عليه السكر وعصير الليمون وقلبيهم مع بعض كويس سبيها في التلاجة لمدة ربع ساعة (لو لاحظتي انه اسود عطول حتي بعد ما حطيتي عصير الليمون ، يبقي تحطيه ع النار ع طول)
حطي التفاح في حلة ع النار وحطي المياه وعود القرفة وسبيها ع نار عالية تغلي غلوتين وبعدان وطى النار وسبيها لحد ما تستوى والتفاح يتهرى وقبل ما تشيلها من ع النار تحطي القرفة البودر وقلبيها مع التفاح ...
ممكن تسبيها ع كده قطع وممكن تنعميها في الخلاط او الكبة ، بس كده احلي 😋😋
بتاخد ع النار تقريبا نص ساعة ..
احفظيها بعد ماتبرد في برطمان او علبة معقمة ، تقدرى تستخدميها مع اي حلويات ، علي الكيك ، الرز بلبن ، تحشي بيها فطاير ..
وبالهنا 😊😊