طريقه تحضير البقسمات بالسمسم (كعك)

طريقة عمل البقسماط بالسمسم

الي كل محبي البقسماط المقرمش اللذيذ .
اليكم اسهل طريقة لعمل احلي بقسماط مقرمش بجد الطريقة دي سهلة اوي وبسيطة ومش مكلفة خالص وستحصلي علي احلي بقسماط مقرمش احسن من المحلات وطبعا كلنا عارفين ان الاكل البيتي مافيش احسن ولا اضمن منه لانك هاتكوني انتي اللي عاملاه في البيت يعني مش هايكون ملوث ولا فيه اي شئ بالعكس ان شاء الله هايكون نظيف ومضمون واحلي من اللي في المحلات .
مقادير البقسماط :
– 2 كيلو دقيق .
– 6 بيضات .
– 4 كوب ماء دافئ .
– ملعقة كبيرة سكر .
– ملعقة كبيرة ملح .
– نصف كوب زيت .
– ملعقة كبيرة خميرة .
– 4 ملاعق سمسم .
طريقة عمل البقسماط بالسمسم:
– يسخن الفرن علي درجة حرارة 200 .
– ناتي باناء كبير وننخل فيه الدقيق ونضع فوقه الملح والسكر والسمسم والخميرة ويقلب جيدا .
– ثم نضيف البيض ونقلب ثم نضيف الزيت والماء ونبدا بالعجن ونستمر بالعجن حتي نحصل علي عجينة متماسكة يابسة قليلا .
– تغطي العجينة وتترك لمدة 10 دقائق ثم نقوم بفردها ونتركها 10 دقائق ثم نقطع منها كور صغيرة الحجم ونبرمها مثل البقسماط الجاهز ونضعها في صينية مدهونة بالزيت ونتركه لمدة 15 دقيقة ثم يوضع في الفرن علي درجة حرارة 200 لمدة 15 دقيقة وبعد كده نخرجه من الفرن ونتركه بدون غطاء لمدة ساعتين حتي ينشف ونحصل علي القرمشة المطلوبة .
“ويقدم وبالف هنا وشفا “