المكونات :
نص كيلو لحمه قطع صغيره
نص كيلو بصل شرايح
١ فلفل أخضر شرايح
١ فلفل حار شرابح
١ طماطم شرايح
ملح وفلفل أسود
رشة جوزة الطيب
عود قرفه خشب
ربع معلقه زنجبيل فريش
٢ قرنفل
سمنه و زيت
الطريقه :
هنجيب حله على النار و نحط فيها السمنه و الزيت و نسيبها تسخن و ننزل البصل نشوحه و ننزل عليه جوزة الطيب و القرفه و القرنفل و الزنجبيل و نفضل نشوح في البصل لحد ما ياخد لون و بعدين ننزل عليه الفلفل و الطماطم و نكمل تشويح و اخر حاجه هننزل اللحمه و نقلب لحد ما تاخد لون من كل الجهات و بعدين نحط الملح و الفلفل و كوباية ميه على اللحمه و نسيبها تغلي و نطفي و نقلبها في الطاجن و ندخلها الفرن و يكون سخن
هتقعد في الفرن من ساعه لساعه و نص و بعدين نخرجها نقدمها مع رز و بالهنا
المشاركات
تعليقات