المقادير :
٢ كيلو بطاطا
نص كوب لبن
نص كوب سكر
كيس فانليا
بيضة
٣ معالق جوز الهند
الطريقة :
هتغسلى البطاطا وتحطيها فى حلة وعليها شوية مية تسلقيها فيها وبعدين تقشريها وتحطيها فى حلة وتهرسيها كويس اوى وبعدين
تحطيها فى حلة بعد ما اتهرست وتحطى عليها نص كوباية سكر ونص كوباية لبن وكيس فانليا وبيضة وشوية جوز الهند وتقلبى كله على نار هادية لحد ما تتشرب كل المكونات يعنى تقعدى تقلبى فيها يجى عشر دقائق
وبعدين تحطيها فى صنية بايركس وتساويها بالمعلقة
تعملى بقا البشامل معلقتين زبدة وتحطى عليهم ٣ معالق دقيق وتقلبى وتنزلى باللبن تقلبى وتحطى معلقة سكر ويبقا قوامه ولا تقيل ولا خفيف وتحطيه على وش البطاطا وتحطى على الوش بيضة وتدخليها الفرن الوش يحمر وتطلعيها تبرد وتقطعيها
الف هنا وشفا
المشاركات
تعليقات