بودره الاطفال حل سحري وبديل لمنتجات غاليه كتيير وكمان مش مضره
"بودرة الأطفال" حل سحري وبديل لمنتجات غالية كتير وكمان مش مضرة 🙂
-حاجات الميكاب غليت جدا، طيب أعمل إيه؟!
دوري على البدايل على طول ومن ضمن البدايل دي "بودرة الأطفال" اللي موجودة في أي بيت وسعرها كويس جدا.
1-أول إستخدام "لمعان الوجه وتثبيت الميكاب"
مشكلة عندنا كلنا خاصة أصحاب البشرة الدهنية وهي عرق الوش وسيحان الميكاب،"البودرة" بتمتص العرق من الوش بشكل كويس جدا فدايما هتديكي مظهر كويس جدا أحسن من منتجات كتير غالية على الفاضي وكمان بتثبت الميكاب هاتي فرشاة البلاشر وحطيها في البودر ومشيها على وشك بشكل طبطبة.
2-تاني إستخدام "زيادة حجم رموشك"
لو رموشك خفيفة إستخدمي البودر دي، إزاي؟ هاتي "فرشاة ماسكار قديمة نضيفة" وحطيها في البودر وإملي الفراغات اللي بين رموشك ، هتديكي طول وكثافة ومظهر حلو جدا جدا.
3-تالت إستخدام "للشعر"
خاصة للشعر الدهني هترشي بعض القطرات من البودر على جذور الشعر وتفركيها وبعدين تسرحي شعرك بفراشاة هتحسي فعلا بفرق كبير لأن البودرة هتمتص الزيوت اللي في فروة شعرك وهتخلصك من التلزيق وهتظهر كل شعراية لوحدها.
4-رابع حاجة" تثبيت الروج"
الموضوع دا مهم لبنات كتير 😀
فعلا بتثبت الروج أطول فترة ممكنة هتحطي الروج عادي جدا وبعدها هتجيبي منديل وتطبقي شفتاكي عليه وبعدها هتجيبي القليل من البودر وتحطيه عليها بطبطبة خفيفة.
5-خامس حاجة "إزالة الشعر"
قبل ماتعملي سويت أو شمع حطي البودر على جسمك أو عالمنطقة اللي حابة تزيلي منها الشعر هتخلي السويت أو الشمع يلتصق بالشعر بدل الجلد فإحساس الألم هيقل كتير جدا.
😍😍😍😍😍😍😍🎁🎁🎁🎁🎁🎁🎁🎁🎁🎁🎁😍😍😍
المشاركات
تعليقات