قصه ادمان كامله

*❴📖❵↵ ادمان*

*❴🔢❵الـــبـــــــــــ❴الاول❵ــــــــــــارت*

➖➖➖➖➖➖➖➖➖

*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏

➖➖➖➖➖➖➖➖➖

#إدمان_بقلم_سارة_قاسم 

#واقعية

الجزء الأول+الثاني+ الثالث+الرابع والأخير #انتهت

يابنات ياحلوات القصة واقعية وبتمنى ماتغلطو بحق اي شخصية لحتى تنتهي القصة ...

انتو بس اتفاعلو وانشاءلله بتخلص اليوم💚

كنا قاعدين بالصف الإستاذ اليوم غايب برمت انا هدى كراسينا لورا لعند زهرة وريم ...

زهرة: بتعرفوو بدي احكيلكم قصة بتخوف صارت مع وحدة قرايبتنا 

انا: لااا بلها بتعرفيني مابحب هيك قصص 

ريم: بلاها زهرة بتعرفيها هالة كتيير خويفة 

انا: خرسي ولي مادخلك

هدى: اخرسو كلكم ...

كنا لسا عم نحكي فات الناظر ...ومعو بنت 

جلال: صباح الخير ياولاد 

اطلعت هدى علي: هههه قال ولاد قال 

جلال: اليوم استاذ الفرنسية ما اجى عندو ظروف ...

اطلع بالبنت وكمل حكيو 

انسة خولة اتفضلي اقعدي هونيك واشرلها على مقعد فاضي 

جلال: الأنسة خولة زميلتكم لجديدة هي من غير محافظة وبتمنى تعاملوها منيح وتعتبروها صديقتكم ..يلا مع السلامة 

اطلعنا نحنا الأربعة ببعض ونطقت ريم

ريم: ياحبيبي هدا يلي كان ناقص بنت جديدة ...عأساس الصف ناقصو عاهات اوووف يااااا 

هالة: وطي صوتك هلئ بتسمعك البنت 

ريم: وتسمع اييه واذا سمعت يعني

هالة: وك شبك مابتعرفيها لسى للمخلوقة 

ريم: ما رتحتلها 

هالة: يووه ماصرلها 5دقايق 

ريم : ا

هدى: اخرسي انت وياها شبكم اليوم الكل دايق خلقو جاي عبالو يتخانق 

رجعت المقعد لمحلو وبرمت لقدام ...البنت لجديدة كانت قاعدة بالصف يلي جنبي بالطاولة الثالثة يعني تقريبا جنبي...اطلعت عليها ..كان مبين من لبسها انها زنكيلة ...لابسة لبس حلو وعلى الموضة ..

خلص اليوم كان يوم كتيير متوتر وكل شوي نمسك ببعض انا وريم مو بعادتنا كنا دايما متفاهمين متل السمنة على العسل ...

كنا سنة بكالوريا كل يوم نجتمع عند وحدة فينا وندرس سواا الإجتماع كان عندي اليوم ...

رجعت على البيت غيرت تيابي وتغديت وساعدت ماما واختي مريم بالغدا تغدينا وفتت على غرفتي رتبتها وبلشت ادرس لبين مايصلو الصبايا ...

لما وصلو استقبلتهم وحكينا ومزحنا. درسنا ورجع كل شي متل قبل ...

شلتنا كانت مزيج كن كل شي 

ريم العاقلة المتزمته 

وهدى العصبية الضايجة 

وزهرة العاقلة المتكبرة الفيلسوفة المنتقدة 

وانا يلي فيني من كل هدول مع شوية جنان وفضول  

كانت الأيام عم تقطع ..وهديك البنت كانت كتيير غريبة تقعد لحالها كتييير منطوية ومتكتمة .. بيوم غابت هدى اول حصتين قعدت لحالي بعدها مليت وقررت اقعد مع هديك البنت خولة 

وقفت جنبها واستأذنتها 

هالة: مرحبا بقدر اقعد ؟

اطلعت فيني من فووق لتحت 

خولة: اتفضلي 

كانت حصة فرنسية وانا كتت كتيير شاطرة بالفرنسي ..كنت شارك مع الاستاذ ..

بعد ماخلصت الحصة لميت غراضي لروح على البيت ..

خولة: هالة ..استني 

برمت لعندها: خيرر

خولة: فيني استعير دفاترك مشان نقل الدروس يلي فاتتني؟! 

هالة: ااه طبعا 

عطيتها الدفاتر يلي معي ورحت مع زهرة وريم 

كنا عم نتمشي 

ريم: كيف لقيتيها للبنت؟

زهرة: اييه احكيلنا عنها!

هالة: شو بدي احكيلكم اصلا ماحكيت معها كتيير منطوية! 

_

مرو يومين وخولة مااجت على المدرسة ودفاتري كانو عندها ...

هدى: تستاهلي لأنك بعتيني بسهولة هلئ غبت يوم بتروحي تقعدي معها؟ 

هالة: اخرسي هدى مو ناقصني بهادل بيكفي يلي سمعتو من الأساتذة ...

هدى: طيب روحي على بيتها ! 

هالة: مابعرف العنوان

هدى: إسألي بالإدارة 

هالة: ااه ايه فكرة حلوة 

هدى: ايه الحلوان روحي اعزميني على شاورما 

هالة: لو بيعك بالسوق الرفقة مابتكفي حق الصندويشة

هدى: ههههههههه لله يسامحك 

_

اخدت العنوان من الإدارة ورحت على بيت خولة ...لما وصلت للشارع تبعهم .. كان في هيك متل الزقاق ضيق بيقطع بين البنايات فتت منو مشان اختصر الطريق بس بأخرو شفت خولة كانت واقفة مع شب كان ماسكها من إيدها وعم يصرخ عليها وهي عم تبكي ...

كتيير خفت ماعرفت شو اعمل ...بالأخير قربت منهم 

هالة: هااي انت بعد عن البنت شو بدك منها؟

لما شافوني تلبكو كانت هي ماسكة كيس صغير وقع منها نزلت مسكتو بسرعة وخبتو بجيبتها 

خولة: هالة؟؟؟؛

هالة: انت منيحة؟

خولة: ايه مافي شي كنا بس عم نتناقش؟

هالة: بس ماحسيت هيك كانو بدو يضربك؟

الشب: لك لاا شو اضربها ما اضربها !!..كنا عم نحكي عادي بس 

خولة: خلص يلا هالة ...

هالة: انا كنت جاية لعندك لأخذ منك دفاتري 

خولة: ايه يلا يلا مشان اعطيكي ياهم 

رحت معها واخدت دفاتري لما طلعت من بيتهم شفت هداك الشب نفسو وقف قدامي 

محمد: مرحبا انا محمد وبعتذر عن يلي صار

هالة: مو انا يلي لازم تعتذرلها ...خولة هي يلي بتستحق الاعتذار 

محمد: خولة هي حبيبتي ونحنا بالعادة بنتخانق 

هالة: ايه عن اذنك مع السلامة 

كنت عم بمشي وخايفة ليشوفني حدا من اهلي واقفة معو خاصة انو بيت خولة مو بعيد عن بيتنا . ...

الجزء الثاني

كنا عم نحضر لخطبة اختي مريم وبيتنا كان معجوق ... كل قرايبنا عندنا ...نزلت قبل المغرب لجيب اغراض لإمي لأن أبي كان بشغلو_عندو محل مواد غذائية_

واخي عمر مو هون كان شغال بمدينة تانية .. شفت هداك الشب من بعيد محمد وكان ماسك سيكارة بإيدو لما شافني فورا رماها كانو عيونو متل الجمر وكان واقف مع ابن جيرانا عادل يلي معروف عنو انو واحد سكرجي وحشاش فتلت وجهي وعملت حالي ماشفتو ...رحت جبت لغراض ورجعت على بيتي ...

تاني نهار بعد ماخلصت الحصة الاولى رحت لعند خولة وقعدت معها وحكتلها عن يلي شفتو ...قلتلها تبعد عن محمد ومبين انو حشاش ...وابن حرام 

هي قالتلي انها بتحبو بدها تساعدو ...طلبت مني صير روح معها على البيت وندرس سوا بالأول رفضت لأن كنت بدرس مع شلتي بس بعدين صرت قسم الوقت بيناتهم روح مع خولة لبيتهم. اول ما نطلع من المدرسة وبقعد عندها تقريب ساعتين وبعدها بجتمع البنات ونكمل دراسة 

 ضليت هيك شي شهر وبيوم كنت عم بدرس مع خولة بغرفتها كانت غرفتها بتجنن حلوة ومرتبة اصلا بيتهم كلو بيحنن كانت هي لصغيرة باخواتها وعندها شبين أكبر منها امها كانت على طول معصبة ومكشرة ودائما تتخانق مع خولة 

يومها طلعت خولة لتجيبلنا شي ناكلو ...كنت انا عم فهمها بمادة الرياضيات فتحت شنطتها لحتى اخد قلم فتحت دورت بس مالقيت فتحت كل الجيوب شنطتها كانت بتحتوي على جيوب كتيرة.... كان في جيب صغير كتيير فتحتو لقيت فيه كيس صغيير وفي بودرة بيضة فاتت خولة ولما شافتني فاتحة شنطتها تلبكت وكانت رح توقع الصينية. حاولت ماحسسها بشي ...بعدت الشنطة مني وعطتني قلم وكملنا دروسنا ورحت انا على بيت زهرة كنت طول الوقت مشغولة. بهداك الكيس يعني معقول يكون يلي ببالي؟ ...يارب دخيلك ...كان لازم اكشف كل شي لازم ساعد خولة وماخليها تضيع حالها ...

بيوم كنت تعبانة وراسي عم يوجعني 

هالة: اسفة خولة مافيني روح معك تعبانة كتير راسي رح ينفجر

خولة: طيب تعي معي بعطيكي دوا كتير منيح 

هالة: مافي داعي هلئ بروح بنام شوي بصير احسن 

فتحت شنطتها وطالعت منها شريط حب كان ماعليه اي اسم وعطتني حبة 

هالة: شو هاد

خولة: هدا دوا انا باخدو للوجع كتير منيح!

هالة: شو اسمو؟ مامكتوب عليه اي شي! 

قربنا من الحنفية عطتني المي 

خولة: اشربي اشربي كتيييييير منيح هااد 

____

كنت كل مايوجعني راسي باخد من عند خولة حب لان ماكان غيرو بيخفف عني الوجع 

كنت متل الهبلة مافكرت اسأل عن هداك الدوا يلي كانت تعطيني ياه ....كان الوجع ماعم يخف تحت عيوني صار اسود فتت بحالة إكتئاب ببكي على اتفه سبب وبضحك كمان بلا سبب صرت عصبية بعد ماكنت كتلة من البرود والامبالاة ...خف اكلي وزني صرت منطوية ومابقعد مع حدا من اهلي ...علاقتي مع رفقاتي ادهورت حتى دراستي صارت بالأرض ..

بيوم رحت لعند خولة ببكي 

هالة: خولة مشان الله بوس ايدك اعطيني من هداك الدوا راسي رح ينفجر 

اطلعت فيني بمكر 

خولة: مافي معي خلص 

هالة: اعطيني اسمو بشتري منو 

خولة: كم مرة قلتلك لا تخبري حداااا اصلا هدا الدوا سر بيني وبينك ...بعدين هو كتير غالي مو اي حدا بيقدر يحصل عليه

هالة: بعطيكي مصاري مافي مشكلة 

خولة: لك مامعي محمد لسا ماجبلي 

هالة بصدمة: ومحمد شو دخلوو؟ 

خولة: تعي اقعدي لفهمك حبيبتي ....هدا مو اي دوااا هدا حب للمزاج لتكيفي لتقدري تتواصلي مع الناس وتتحمليهم 

هالة بغباء: مافهمت شو قصدك ...كيف يعني اشرحيلي اكثر 

خولة: هدا ترمادول 

هالة: شوووووووو. ترمادول؟؟؟!! 

خولة: شبك انصدمتي عادي 

قربت هالة لعندها ومسكتها من اكتافها وصارت تهزها : لك شو هدااا للله لايوفقك كيف بتعطيني هيك شي شو عملتلك؟ ..لك دمرتيني انا صرت مدمنة لك ليش هييك؟ 

خولة: بعدي عني واقعدي واهدي ...بعدين ليش زعلانة ااه الحق علي ساعدتك 

هالة: لك بتسمي هي مساعدة بتخليني مدمنة؟؟ 

خولة: ليش مكبرة الموضوع؟انو عادي كل الشباب بتتعاطى 

حملت شنتايتها وتركتني بنص الشارع عم ببكي وراحت ....

قضيت كل الطريق للبيت بكي فتت على غرفتي سكرت الباب وموبايلي وبكييت ونمت بس فقت المساا كان راسي رح ينفجر ألم موو طبيعي صرت اضرب راسي بالحيط... بعد أربع ساعات من الوجع إتصلت بخولة خلص استسلمت لإدماني طلبت منها تعطيني من هداك الدواا او اي شي بيروح هدا الوجع 

خولة: شو يحلوة تعودتي على ببلاش! ...انا رح جبلك شي كتييير حلو بس حقو غالي 

هالة: شو مكان مستعدة 

خولة: هههه ماشي بكرى تعي لعندي وجيبي معك المصاري باااي 

___

تاني يوم الصبح فقت وجهزت حالي لروح على المدرسة ...

وجهزت اخواتي الصغار عبير ومصطفى وقبل ما إطلع فتت على غرفة امي ولأول مرة فتشت بغراضها وسرقت مصاري وطلعت ...ورحت على المدرسة ...وطبعا قعدت جنب خولة لأن علاقتي بهدى والبنات متوترة لأنهم كانو عم ينصحوني بعد عنها ماكانو يرتاحولها ...

_🧡

*❴📖❵↵ ادمان*

*❴🔢❵الـــبـــــــــــ❴الثاني❵ــــــــــــارت*

➖➖➖➖➖➖➖➖➖

*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏

*

..طلبو مني جربها 

محمد: اتفضلي جربي هالة مابتندمي 

خولة: تعي كتيير ممتعة جربي يلاااا 

هالة: لااا شكرا مابدي 

خولة: لك يلاااا لا تتولدني ...

هالة: لا مابدي خلينا نروح من هون وقمت لإمشي وقامت خولة ..بس مسكها محمد من ايدها وضحك ..

محمد: تعي حبيبتي شغلنا ماخلص 

صارت تضحك وطلبت مني روح لحالي ...

اطلعت وأنا عم برجف ... معقول هدااا انا عم بتعاطى ؟ صرت مدمنة ...بس الوجع يلي كنت عم حسوو. ماخلاني ركز فتت على اقرب محل ..واشتريت قنينة مي وشرب هداك السم ..ورحت على البيت ...مالقيت امي واختي مريم اكيد بالسوق عم بيخلصو باقي الجهاز ...

فتت نمت متل الميتين ...

__

الأيام كانو عم يمرقووو وانا عم ضيع بمتاهة ما إلها اخررر ...هداك الحب صار مايجيب نتيجة ...وفالأخير إستسلمت لإلحاح خولة وجربت البودرة ...بس كمية صغيرة لأن جيبتي ماكانت تتحمل تمنها كتت اسرق مصاري من عند امي ..كانو مهر اختي ....اختي يلي كانت عم تعد النجوم ليجي عرسها من علي حب عمرها ...

كانت امي كل ماتلاقي نقص بالمصاري تبررلها مريم انو ممكن هما غلطو بالحساب لما كانو عم يشترو 

كل شي كان طبيعي .... على الاقل بالنسبة الي لحد هداك اليوم 

الجزء الثالث

يومها فقت الصبح على صوت صريخ وعيااط ...

طلعت من غرفتي بسرعة. 

هالة : خييير شو في ليش صواتكم طالعة؟ 

كانو ماما وبابا مريم عم يتخانقوو 

ماما: مصاري مهر اختك ناقصيين كتيير كل يوم عم ينقصوو ووو 

بابا: وامك قالت انا يلي اخذتهم 

تلبكت كتيير 

هالة: اا ..كيف كيف ناقصيين مافهمت؟

مريم: شو يلي مافهمتيه ؟ مهري قرب يخلص وانا لسا يادوب بلشت بالاغراض 

هالة: اا و وشو يلي يخليكم تتهمو بابا مو عيب 

ماما: انا مااتهمت حدا بس قلتلو ممكن تكون احتجتهم او غلطت واخدتهم 

بابا: هييهييه علينا شو مابتفهمي بدك احلفلك على المصحف ولا شووو بدك لك ماخدك شي شو انت اول مرة بتعرفيني ولا اول مرة بتحطي مصاري بخزانتي  

طلع بابا وفاتت مريم على غرفتها وهي عم تبكي مشهد متل هيك خلاني حس قديشني وحدة وسخة ومابستاهل عيلتي ابي يلي انحنى ظهرو من وقفة المحل بيتهم بالسرقة ومن مين ؟ من امي المرا يلي تخزقو اصابيعها من الإبر وهي عم تخيط ...ودموع مريم وحلمها بجهاز ملكي عم ينهد وكلووو بسببي ... فتت على غرفتي بلش راسي يوجعني ...وجع كنت ببكي منو دم ...مسكت حالي وحاولت اتحمل ..يومها كان الجمعة ومافي مدرسة 

بعد ساعتين اجت امي ...

كنت متسطحة بتختي 

ماما: خير هالة شبك! ...حالتك مانها عجبتني بنوب كان بدي احكي معك من زمان بس مافضيت بسبب اختك ومشاكلها 

تجلست وحاولت بين طبيعية 

هالة: لاا مافي شي شوية تعب بسبب الدراسة 

ماما: صحي ...وين زهرة وهدى وريم ..ماعم يجو لعندنا ولا انت بتروحي لعندهم؟ ليكون متخانقين؟ ..

هالة: اا لاا شو متخانقين ...بس قررنا كل وحدة تدرس لحالها لأنو لما نتجمع بنلتهي ومابندرس 

ماما: هالة شو بوشك اصفر وعم تعرقي هيك 

حطيت ايدي على رقبتي 

هالة: لاا مافي شي ..بس مرهقة 

ماما: طيب حبيبتي انتبهي على حالك  

هالة: ايه بنتبه 

_

الجمعة والسبت مرو متل الصراط ...بسبب التوتر يلي بالبيت وماقدرت حصل حق ال سم يلي كنت اتعاطاه كنت متل المجنونة ...

كان الاحد اول ايام الإمتحانات ...حاولت ركز على قد مابقدر ...

مرقو اول يومين ماكانو كتير مناح لأن ماقدرت ركز وباايوم التالت بعد ماطلعت ...فتت على الحمام لحقتني خولة 

كنت عم غسل وشي يلي حاسة نار مولعة فيه 

خولة: شو ياحلوة ...كأنو مانك منيحة 

هالة: لك حلي عني ماني طايقة شوفك كلوو بسببك بعدي عني 

خولة: لاا عنجد مانك منيحة

هالة: ماني منيحة رح طق رح ينفجر راسي من الوجع ...

خولة: دواكي معي 

هالة: مامعي حقو 

خولة: له له ولا شو الرفقة ...عندي قطعة منيحة وببلاش 

هالة: عنجد وشو هي؟ 

طالعت من شنطتها سيكارة 

هالة: بس انا مابدخن 

خولة: هههه يعني بتتعاطي ترمادول وتشمي هروين واجت على السيكارة وحرمتي 

هالة: بس هيك اهلي رح يشكو ! ..بيشمو ريحة الدخان فيني 

خولة: لك لاا شوية بارفان وعلكة نعناع وانتهى الموضوع ...

اخدت السيكارة ولعتها خولة ...واخدت نفس صرت اسعل ..وهي واقفة عند الباب وسكرتو لحتى مايفوت حدا ...كانت عم تضحك وتشجعني ...

بنص السيكارة رميتها قربت هي بسرعة. اخدتها وصارت تسب 

خولة: لك حيوانة ليش هييك عملتي حدا بيرمي النعمة؟ 

هالة: بتقرف طعمتها بتخنق 

خولة: تضربي مابتستاهلي حدا يعمل معك معروف

هالة: هاتي العلكة و البارفان 

خولة: ليكهم بشنطتي 

اخدت الشنطة عطيت بارفان واكلت علكة ...

كنت طالعة وخولة كانت عم تزبط حالها 

خولة: ايبه تذكرت ..نازل شي جديد بيجنن محمد وعدني يجبلنا منو ...بس سعروو غالي 

هالة: لاا شكرا مابدي  

خولة: ايه ماشي ...بس سعر النوع الأول غلي كتيير هااا مشان تكوني يالصورة 

التفتت لعندها: شو عم بتقولي وانا من وين بدي جيب حقو اهلي صارو يشكو لأن المصاري عم بتختفي 

خولة: مو مشكلة ...خدي ذهب عادي قطعة ذهب بتخليكي تكيفي لشهر 

مشيت وتركتها عم تضحك 

هال

بنص الدوام مثلت خولة انها مريضة وطلعت ولحقتها وبالإدارة طلب تروح على بيتها وأنا وصلها ...ورحنا ...بس مو على بيتها ..على بيت محمد كان عايش لحالو ...بيت كلو وسخ وريحتو بتقرف قناني البيرة بكل مكان ...

فتنا بعد شوي طلع وجاب معو حب وطلب المصاري ودفعتلو ...وهو وخولة اخدو شي تاني بودرة شموها .

*❴📖❵↵ ادمان*

*❴🔢❵الـــبـــــــــــ❴الثالث❵ــــــــــــارت*

➖➖➖➖➖➖➖➖➖

*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏

ة: اوووف تضربي منك لمحمد 

_

خلصو الامتحانات وطلعو النتائج ..وكانو نتائجي متراجعيين كتيير ...  

كنت قاعدة بالساحة اجت هدى لعندي 

هدى: كيفك هالة

هالة: منيحة كتيير

هدى بسخرية: مبيين كتيير بصراحة 

هالة: شو قصدك؟

هدى: انت مو منيحة وحالتك مو عجبتني لا انا ولا البنات 

هالة: ورأيكم مابيهمني؟

هدى: هلئ هيك صار الحكي ! ...وين هالة المرحة. وين هالة الطالبة المجتهدة؟ وين هالة رفيقتي وين هالة الطيوبة. ....لك شبك شوصايرلك كانت عم تبكي 

هالة: ليكني وهون ومو صايرلي شي انا منيحة انتو بس حلو عني ..

هدى: بعدي عن هديك البنت هي عم بتغرقك بترجاكي هالة لا تضيعي حالك 

هالة: لك مادخلكككك بعدي عني اتركيني بحالي ..

قمت وتركتها كانت عم تصرخ وتبكي وتنصحني 

ياريتني سمعتهااااا يااريت 💔

طبعا اكلت بهادل من اهلي ...لأن امالهم كانت كبيرة كانو عم يحلمو اني صير دكتورة اوشي شغلة مهمة 

خولة صارت ماتعبرني اتصل فيها وماترد ...بعدها سكرت تلفونها ...لما حكيتها على الفيس قالتلي بس جهز المصاري بحكي معها ...

انا ماكان فيني اخد من مصاري اختي يلي صار بأبي من وراي كان كبيير ...

بيومها كان خطيب اختي جاي زيارة لعندنا هو وامو ...امي كانت مقاطعتني بسبب نتائجي بقيت بغرفتي....لحتى راحو اجت اختي لعندي ورجتني الطوق يلي هداها يااه علي ..كان طوق ذهب بيجنن ...

تاني يوم مارحت على المدرسة ...امي واختي طلعو على السوق واخواتي لصغار على مدارسهم ...وابي لمحلوو ...قمت فتشتت بغرفة اختي نكتتها نكت ..لحتى لقيت الطوق اخدتو غيرت لبسي وطلعت ...اتصلت بخولة قلتلها انو معي مصاري .... قالتلي انو ما اجي على بيتها وانو استناها جنب بيت محمد... 

قعدت جنب البيت ...وبعد نص ساعة اجت خولة ...

فتنا على بيت محمد ...عطيتو الطوق وعطاني الحب وكمية بودرة إلي ولخولة ...

انا اخدت الحب بسرعة و شميت شوي من البودرة ...

وخولة كمان شمت البودرة ..بس كمية كبيرة ...قعدنا شوي بعدين مابشوف إلا اغمى عليها صرت صحيها بس ماصحيت كنت عم ببكي وارجف ...

محمد كان كمان خايف اتحسي نبضها 

محمد: هي كأنو ميتة 

هالة: شووو وو ولي ولي ميتة ياويلي ياربي ..

الجزء الرابع

ماوعيت على حالي وإلا عم بركض بالشارع وابكي ...كنت متل المجنونة... لحتى وصلت لجنب بيتنا وبعدها خلص ماشفت شي قدامي غير السواد 

فقت لقيت حالي بالمشفى وامي جنبي كانت عم تبكي بعيونها نظرة مابنساها لحتى موت ...نظرة حسرة وندم احتقار يااربي مابعرف كيف بوصفها 

قربت لعندي ومسكت وشي بين ايديها ..كانو عيونها متل الجمر ومليانين دموع 

ماما: ليش هييك ولك ليش عملتيي هييك 

هالة: ماعملت شي شو في اميي 

ماما: مخدراتتتت هروين يا هالة هرويين لك لييييش كنت رح تموتي انت هالة العاقلة الراكزة بتاخدي جرعة هروين زيادة كانت رح تقتلك ...طيب ليييش لك ليش ولله مابنستاهل يلي عملتيه فينا 

هالة: ماما اسمعيني ..بترجاكي 

ماما: هسس اخرسي مابدي اسمع صوتك ...جبتيلنا مصيبة الدكتور بدو يبلغ البوليس ...ولله ليقتلك عمر بس يعرف ..

هالة: مشان لله امي خليني اشرحلك 

_

بابا مارضي يفوت لعنندي ... مريم خبرت خطيبها هو كان عندو معارف بالمشفى ف أقنع الدكتور مايحكي شي للشرطة ...

خولة ماتت لقوها مرمية بالشارع جنب بيتهم ... 

لما رجعت على البيت حبسني ابي بغرفة ونزل فيني ضرب وانا ماقاومتو لأن بعرف حالي بستاهل ..حتى اني مابكيت .....كنت طول اليوم محبوسة ...والوجع صار يزيد اصرخ وماحدا يسمعني ....  

مربم صارت تكرهني ..لأن إلتغى عرسها بعد معرفة اهل علي بالقصة ...سيرتي صارت على كل لسان ....عمر رجع من شغلو ولما دري ضربني بكل حقد وغل 

كنت رح موت بين ايديه لو ما بابا طالعوو ...

وقعد وحكالي هالكلمات 

بابا :الله. يسامحك ياهالة ...كنت بظن انك هالة خير ..بس طلعتي هالة شر ...انا فنيت عمري لكبركم واكلكم لقمة الحلال عشت طول عمري رافع راسي بين الناس مابعمرو حدا حكى عني حرف ...وتجي انت بأخر عمري تعملي هيك بتصير الناس تشارو علي وتحكي ابو المدمنة ..دمرتينا لك بنتي دمرتي اخواتك 

سكر الباب وطلع ...

__

بعد الحادثة بشهرين طلعنا من بيتنا ومن حارتنا ومن كل مدينتنا واستقرينا بالمدينة يلي بيشتغل فيها اخي ...

وهنيك فتت على مصحة لإتعالج بقيت فيها 4شهور لأن ماكنت بالأول بستجاب بسرعة للعلاج ...لما طلعت ..كانو اهلي شوي تعاملهم احسن مع اني والله مابلومهم ...

ابي لقى شغل بغير مدينة ورحنا معو ...كان تعاملهم حذر معي مايثقو فيني كتيير ...بأول شهرين انخطبت مريم لإبن جيرانا كريم كان معلم لغة عربية ...

وانا حاولت رجع ثقة اهلي يلي انكسرت ...خطبنا لعمر عائشة بنت خالتي وعملنا العرس وهو كان ساكن بالمدينة يلي يشتغل فيها ...

بالسنة يلي بعدها اقنعت بابا يسمحلي سجل بكالوريا وكمل ...

وسمحلي ...سجلت وقدمت ونجحت بمعدل كتيير منيح فتت تخصص علوم ...كملت جامعة ..بالحامعة تعرفت على الأستاذ يحي ..بالأول خفت وبعدين حكيت لامي ...هو ماكان ناوي يتسلى بالعكس كان ناوي الحلال

*❴📖❵↵ ادمان*

*❴🔢❵الـــبـــــــــــ❴الرابع والاخير❵ــــــــــــارت*

➖➖➖➖➖➖➖➖➖

*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏

*

.... اجى هو واهلو طلبو ايدي كنت سنة ثانية علوم ...

ابي قالي انو لازم صارحو بكل شي ...وانا بالأول خفت وترددت بعدها قلت انو يعرف من احسن من غيري ...وكنت ناوية بلش صفحة جديدة ونظيفة ...

اتصل فيني وقلي انو رح يروح لكندا مشان يكمل دكتوراه تبعوو...استنيتو لراح وبعدها بعتلو عالواتس رسالة حكيتلو كل شي ... 

قعد تقريب اسبوع مارد علي مع انو بعرف انو قرا اارسالة ..بس مع هيك ما اتصلت فيه مشان ما اضغط عليه ...

بعد اسبوع بعتلي رسالة :

شكرا لأنك كنت صريحة معي 

لو وحدة غيرك ماكانت حكت خاصةانو كل واحد فينا من مدينة ...

انت غلطك كبيير بس ربنا رحمتو اكبر واوسع 

اذا كان الله بيغفر فمين نحنا لحتى مانغفر

____

رسالتو هي شجعتني اتصلت فيه 

بس ماقدرت احكي 

يحي: على فكرة لازم انا يلي ازعل واسكت مو انت 

هالة: ماني زعلانة. ..بس فرحانة وفخورة. فيك ..انو متلك كتيير قلال انو ترضى فيني بعد كل يلي غرفتو 

يحي: ههه ياروحي مافي حدا ماعندو ماضي بعدين انا بيهمني الحاضر تبعك 

_،

خطبة 3سنين ...كنت انا خلصت جامعة ...وهو رجع من كندا عملنا عرسنا عرس بسيط وعلى قدنا ...حضر اخي ومرتو وبنتو ...واختي يلي سامحتني الحمدالله ..وزوجها وبنتها ...

 وكل عيلة يحي يلي ماخبرهم بشي وطلب مني ماخبرهم لأنو على حد قولتو ماضي وراح ...

___

هلئ ربنا عوضني الحمدلله بيحي ...صرلي 4 سنين متزوجة والحياة ماشية يعني انا ويحي متل اي زوجين بنتخانق ونتصالح ...بس يلي بينقصنا هلئ ولد يعبي حياتنا ...ماتركنا دكتور وكلهم بيقولو انو نحنا مناح ومابناشي ..وليكنا عم نستنى فرج لله 

بالنسبة لرفقاتي تواصلت معهم ...هدى مانجحت بالبكالوريا واتجوزت وعندها ولدين هلئ ...وزهرة كمان اتجوزت بس مابعرف اذا عندها ولاد اولا ...ريم كمان خلصت دراستها واتجوزت ...

بالأخير بدي منكم تاخدو عبرة من قصتي وماتثقو لحدا ...واذا شكيتو بشي خبرو اهلكم ...ولا نخلو حدا يضحك عليكم ...

#انتهت 

حبوباتي القصة انتهت ...وطبعا اختصرت منها بناءا على طلب هالة ..هي حبت بس انكم تاخدو عبرة من قصتها 

هي بدها منكم تدعولها ربنا يرزقها الذرية الصالحة ويطعم كل مشتهي

ملاحظة: اهل خولة كانو بيعرفو انو بنتهم مدمنة ...وهما انتقلو من مدينتهم لمدينة هالة ...بس مع هيك ماعالجوها ولا حطولها حد كانت هي وحيدة امها على شبين ...كانو جماعة زناكيل ..هي كانت تاخذ المصاري بدون حساب منهم لهييك لما شافت هالة وعلاقتها بصديقاتها. واهلها خاصة لما يجي ابوها مرات للمدرسة مشان يطمن عليها ...غارت وحبت تخرب عليها ونجحت ...لأنو ماكان عندها عيلة تحبها وتحتويها 💔

#قصص_واقعية #قصص_حب #قصص_مؤثرة #روايات_عربية #قصص_اجتماعية #قصص_زواج #قصص_ملهمة #روايات_مشوقة #قصص_حقيقية #قصص_عبرة #قصص_صداقة #قصص_مغفرة #قصص_خيانه #قصص_واقعية_حزينة #قصص_عربية #قصص_حب_واقعية #قصص_من_الواقع #قصص_عن_الحب #قصص_عن_الغيرة