*`قصة اليوم مافيا`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*
`
*
الوقار والهيبة والثبات
شب بال28 من عمرو
بشرتو حنطية مايلة على سمار مع عيون عسلية بحوض نعنع(عسلي على اخضر) وطول وعضلات اكتسبها من طبيعة شغلو⁉️📍
شو شغلو‼️
مافيا، عصابات، تجارة سلاح، كلشي مسموح بالعالم الأسود الي مليان غموض.
راكان من أصغر أعضاء عالم المافيا الي اكتسب امبراطوريته من ابوه وطورها بجهوده بعد ما خسر ابوه وما ضل اشي ثاني ليخسره
لقبه(الجوكر)
يده اليمين أشهب ويده اليسار أيسر
الشخصين الوحيدين الي بثق فيهم ثقة عمياء ومسلمهم أكبر أعماله في غيابه
تربى أركان معهم من الصغر ليكونو يد وحدة ووقت الجد يضحو بحياتهم عشان الثاني يعيش
عايشين هما الثلاثة بقصر كبير لونو أبيض بتكون من طابقين بطل على حديقة خضرا كبيرة كثير بشكل دائرة وحولين كل البيت حراسة مشددة من افضل الحراس المدربين وبعدها بمسافة موجود قناصين ليتلقو الأوامر بإطلاق الرصاصة بنص رأس اي شخص غريب او بشكل تهديد عليهم
(الرشاش جاهز والهدف مرصود💃)
أركان بعد وفاة أبوه ربي يتيم بس ما سمح لحاله يحس هاد الشعور أو لأي شخص يذكره فيه وأشهب كمان ما بعرف أهله من وهو صغير
أما ايسر عندو امو الي موجودة معهم بنفس القصر ومسؤولة عن العناية بالقصر والخدمة ومنفصلة عن أبوه من لما عرفت علاقتو بعالم الإجرام وما قدرت تترك ابنها وأبوه لأيسر مجرم بامتياز والو علاقاتو بعالم المافيا والو أتباع بنفذو اوامره
إيليا :عدو أركان اللدود ومن أكبر منافسين المافيا
جميع أعضاء المافيا من كبارها وأصحاب المناصب العليا في هاد العالم وفي العالم الغير الواقعي الي مخبى تحت الأعمال الخيرية والتجارية معروفين بأسم الجواكر
مراد :محامي أركان والمسؤول عن اعمالو الغير قانونية لتصير قانونية
وفي الشق الثاني من هاد العالم
في بيت كلو دفى وحنية وريحة الاكل في كل مكان والام بالمطبخ بتحاول تنهي الطبخة قبل ما يرجع جوزها من الشغل وبنتها الوحيدة في غرفتها عم تستعد لامتحاناتها النهائية في سنتها الثالثة بتخصص القانون.
البنت أسمها كيان 23 سنة تخصص قانون سنة ثالثة البنت الوحيدة لأهلها مع اخو صغير عمرو 9 سنين واسمه عمر أما طولها متناسق مع شكل جسمها لا سمينة ولا نحيفة بشرتها حنطية وشعرها اسود وعيونها بنية واسعة ورموشها طوال زي الغزال.
أهلها الي هما عيلة الأحمد بيملكو عمارتين مأجرينهن كمصدر دخل رئيسي حالهم مريح ومتوسط وأبوها سمسار عقارات وأمها دارسة إدارة أعمال بس ما كملت لما ولدت كيان على الدنيا وبعدها عمر.
غزالي رفيقتها لكيان من الطفولة وجيرانهم بنفس العمارة السكنية بالطابق التحتاني لبيتهم بنت حلوة واكبر من كيان بسنة دارسة طب وعلى وشك التخرج.
في الطابق الي فوق عيلة كيان الابن الكبير لعيلة الأحمد اكبر من ابو كيان وهما الولدين الوحيدين لعيلة الأحمد، الأول ابو المجد وعندو ولدين الكبير مجد والاصغر منو أمجد وبنت وحدة اسمها ريم
والثاني ابوها لكيان سامي
الطابق الارضي للعمارة موجود فيه أهلها لغزالي لأنو ابوها جمال هو المسؤول عن نظافة العمارة والعناية فيها من سنين وكمكافأة الو وكونو امين الجد الكبير لعيلة الأحمد أعطاه الطابق الارضي ليسكن فيه ويعتني بالعمارة
عايشين بنفس العمارة ومحتفظين فيها كمنطقة سكنية الهم وأولادهم بس يتجوزو بيوخذو الشقق الباقية ومن بعدها لأحفادهم
في قبو أرضي واسع وكبير وبنصه ساحة زي حلبة المصارعة فيها كرسي وعلى الكرسي شخص مربوط والعرق بينزل منو زي المطر دون توقف وكل جسمو برجف زي البردان بنص فصل الشتا
ومن الجهة الثانية عند مدخل هاد القبو المعتم والأسود الي ما في غير ضو صغير وخافت على الكرسي الي بنص الحلبة بيدخل 3 شباب من الباب بحركة كلها رجالية وثقة بالنفس وملامح وجهم لهسا مش واضحة للي جوا
بتبلش الكلاب الي مع الحراسة حوالين الحلبة تنبح والحراس المفتولين العضلات زي قتالين القتلة بشدو الحبل حوالين الكلاب الي بلشت تنبح زي الكلاب المسعورة وبنزلو راسهم وبرفعوه احترام للي دخلو من الباب
الشبين الي كانو على اليمين واليسار أشهب وأيسر بروحو بيسحبو كرسي على جنب وبحطو رجل على رجل وهما بجحرو في المربوط على الكرسي
بينما الي ضل واقف وشلح جاكيتو الأسود وضل بالقميص الأبيض
(أركان🕸️🦇) بيرفع كمام قميصو لنص ذراعه ليبين جزء من الوشم الي راسمو
ويمشي بخطوات صدى صوتها مسموع لأنه ما في اي صوت غير نباح الكلاب مع خطواتو وبينزل من تحت الحبل ليصير بنص الحلبة
أركان: أشهب
أشهب: أمرك معلم
أركان: حسب قوانين عالم المافيا شو سعر الخيانة؟
أشهب: رصاصة بنص راس الي بخون
أركان بقرب راسو ليصير قدام وجه الشخص المربوط وبيطلع فيه بعيون ثابتة دون ما ترمش وبحط يدو على طرف الكرسي من اليمين وبركز عيونو بعيون المربوط
أركان: واذا كانت الخيانة موجهة لراس المافيا
أشهب: بنقرء الفاتحة على روحو للخاين وعلى روح سلالتو كلياتها وما بنوقف هيك بس، لااااااااااا وبنقرأها على روح كل مين ضحك بوجهو وكل مين سلم عليه لينمحى اي أثر بدل على انو نولد على
هاي الدنيا
بيسحب أركان اللاصق الي كان على فم الشخص المربوط ليبلش هو يصرخ ويبكي
كمال: بترجاااااااااااااك أركان بيك بترجاااااك تسمعني وتسامحني بوعدك هاي اخر مرة بوعدك ما عااا......
ما بخليه يكمل كلامو وبيطلق رصاصة بتخترق كتفو بجرح سطحي ليصرخ هو من الوجع
أركان: فكوه لشوف
بفكوه وبيعطو يلبس بيديه كفوف الملاكمة وبينزلو من الحلبة ليضل أركان وكمال لحالهم بالحلبة وبلبس أركان كفوف المصارعة وببعد لآخر الحلبة وكمال لسا عم يأن من الوجع وهو عم يطلب منو يسامحو على خيانتو
أركان: إذا بدك تولول هون مثل النسوان يلي فيهم رجولة أكثر منك كيف بتدحش حالك بأمور عارف عقابها وأنك راح تنرمى مثل شي راقصة ليلية تحت رجلي؟!!
كمال: أركان بيك اسمحلي اني......
أركان: هشششششششششششش اذا برجع بسمع نفسك كمان شوي بوعدك ما استنى وضيع وقتي هون معك، راح ريح حالي واتركك للكلاب الي هون ينهشو عضمك فهمتتتتتتتتتتتت ولااااااك
يلا قوم لنشوف
اذا قدرت انك تجرحني جرح وتجيبني بالأرض أنت حر طليق وما حدى راح يلمسك
أما إذا وقعت تحت يدي هه .....
بيضحك أركان بخبث وبيوخذ وضعية الاستعداد
أيسر: والله انو حشرة صغيرة وما كان بيستاهل هالجية وانو نعملو قيمة مش لو قتلناه وخلصنا ورحنا لننبسط أحسن من شوفة وجوهو؟
أشهب: ليش يا بيبي مستعجل ؟ بغمزو وبيحكيليو
لتكون مستعجل على شوفة نسرين خانوم؟!
بيخبطو أيسر بنص بطنو وبيحمل جاكيتو وبيطلع
أيسر وهو ماشي ليطلع: انا رايح حل اخر مشكلة صارت بالاجتماع وبعدها راجع عالبيت بنلتقي هناك
أشهب: اي مع السلامة من كندرتي اذا ما بتختفي لبكرة الصبح.
وبهاد الوقت بيكون أركان كلو دم وعم بيلهث وبطلع على الشخص الي صار زي الجثة قدامو وما بتحرك
أشهب: شو يا باشا شايف خلص شاحن هالحشرة ب55 ثانية!!
أركان بيشلح قميصو الي صار كلو دم وبرميه على الأرض وبينزل من تحت الحبل من الحلبة ليصير مقابيل أشهب
أركان بصوتو الرجولي الخشن: لوين راح أيسر؟
أشهب: راح يلعب شوي لأنو مل من هون وقال راح يشوفنا بالبيت
أركان بحرك راسو بأي لتحت وفوق وبعدها بيلبس تيشيرت اسود وبيمسح يديه وبيحكي للحراس
أركان: خذو هاد الكلب من هون واسعفوه واول ما يفيق من الغيبوبة تاعتو بتعلقو من رجلي بالسقف ومع شمس كل يوم بتطلع بتقطعولو إصبع من أصابع يديه وبس يخلصو بتبلشو برجليه
وبتعطو رصاصة فوق قلبو وبتتركو ينزف ليصفى دمو ويعرف مع مين لعب!
مفهوووووووووووووووووووم
الحراس: أمرك معلممم
بيطلع أشهب وأركان بسيارة سودا بتلمع لمع وبتوجهو لناحية القصر
****
في بيت عيلة الأحمد الكل مجتمع بشقة أبوهم مع ولادو وكانت كيان واهلها موجودين مع غزالي وأبوها
كيان بالمطبخ مع غزالي بتعاونن وليجهزو صحون حلو للضيافة
كيان: لازم يعني كل خميس نجتمع هاي الجمعة العائلية الجميلة
غزالي: هههههههههههههههههه سكتي ليسمعك حدى خاصة مرة عمك منشان تطلع لبرا (بتصير غزالي تمشي على روس اصابيعها لتحاول تقلد مشية مرة عمها لكيان) اوووووووه بنتي كيان كيفك وكيف دراستك لك اخخخخخخخخخخ ما لقيتي غير تصيري محامية وشغل الشباب
لك شوفي بنتي الله يرضى عليها ويوفقها(بترفع يديها لفوق وبتحركهم كأنو عم تدعي) ويبعتلها شي شب غني يعرف قيمتها راح تصير احلى معالجة فيزيائية بالدنيا وتساعد المرضى
وبتصير تضحك هي وكيان بصوت عالي
وبتدخل ام المجد مرة عمها لكيان عالمطبخ مع امها لكيان وبتحكي: شو شايف صواتكم طالعة ومبسوطين
كيان: ههههههه اي كنا عم نضحك على موقف صار معنا وبتغمز غزالي
مرة عمها: اي منيح وكيف دراستك كينونا؟
كيان: الحمد لله
مرة عمها: اي منيح وبتعوج تمها وبتحكي مش لو درستي يا بنتي شي تخصص ناعم وحلو يناسب شخصيتك كأنثى زي بنتي ريم الله يرضى عليها ويوفقها ويبعتلها ..........
ما بتكمل حكي على صوت ضحك كيان وغزالي وام كيان عم تجحر بنتها لتوقف وبتقرصها بيدها انو خلص عيب
بعد ما ترجع كيان معصبة على البيت مع أهلها بتفوت على غرفتها وبتسكر الباب
أمها: سامي
سامي: نعم؟
أمها: أنت بتعرف انو كيان ما بتحبو لمجد ولا بطيقو لا كشب ولا ابن عم كيف بدك تطيقو وتحبو كشريك حياة الها؟
ليش ما حكيت مع أهلك وسكرتو السيرة يعني لازم بنتي تعاني مثل ما عانيت أنا وينكتب عليها الشقى والهم
سامي: شوفي يا مرة ما دخلي قصتين ببعض صح انتي ما كنتي بدك اياني وجبرك ابوكي وصار النصيب بس ليكك مرتاحة ببيتك وكلشي حاضر عندك وانا بدي شوفها لكيان مبسوطة وترتاح بالاخير
أمها: مبسوطة بعد ما شقيت سنين وهما يحكولي ما بتجيبي ولاد وعقيمة جابت بنت وبطلت تخلف ومرة اخوك تقاهرني لأنو عندها ولدين حتى خلفت عمر
سامي: مجد شب منيح وراح ترتاح معو كيان
بتفتح كيان الباب نص فتحة وبتطلع راسها وبتحكي
كيان بصوت عالي لتسمع أبوها: الله يعينك يا كيان ما عندك أهل يحسو فيكي وابوكي حامي ظهرك بدو يكسرك بعد ما كان يخاف عليكي من دبة النملة
خلص ضبي شنتايتك واهربي مع تاجر مافيا وما ترجعي للبيت الجاهلي هاد الي بدو يجوزك لواحد راسو مربع واجدب وما بطيقيه!
سامي: تعي يا رئ
يسة المافيا وسمعيني شو عم تحكي هون
بتيجي كيان بسرعة وبتحط يدها على خصرها وبصير تهز برجلها
كيان: اذا مضايقتكم لقمتي وعيشتي معكم احكولي يا بنتي خلص دورك كابنة وهون بينتهي عقد وجودك معنا بالبيت تفضلي ادفعي الاشتراك أو افرقينا مع غبرة
ابوها بقوم وبضمها لصدرو وببوس راسها وهي كمان بضمو
سامي: انا بالاخير دوري كأب انصحك وما بجبرك على اشي وطول ما الحكي بضل حكي وما عليه ضريبة ودفع جمرك خليهم يحكو وانا بظهرك
كيان: يعني ما راح تجوزني مجد؟
سامي: يعني ما راح اجبرك على اشي
كيان: اي هاااااااااا هي الحكي الي بنحكى ابو عمر ولك مش الله يخليني الك انت وام عمر
عمر: لك حاج يا بومة برم بدنا نفوت نام
بقصر أركان
بتوصل أركان رسالة مكتوب فيها:
بكرة المسا الساعة8
جامعة القرطاس/ كلية الآداب الطابق الأول
الجواكر🃏🃏🃏🃏🎭
أركان: أشهب أشهبببببببببببب
بينزل أشهب من عالدرج درجة درجة وهو نعسان
أشهب: غير شو شايفني بمنامك
الساعة1 روح نام بكرة الصبح عنا صفقة سلاح مهمة كثير لازم تكون موجد بالتسليم
أركان: بكرة المسا الساعة8 الجواكر 🃏
بتكون جاهز أنت وأيسر الي مدري وين موجد وبأي ارض مدفوس
أشهب: بين يدين شي بنت ليل وين بدو يكون يعني
أركان: **** الك والو
أشهب: اي وانا شو دخلني
بيطلع أركان على غرفتو بيشلح تيشيرتو بضل ببنطلونو وبنام
أما تحت أشهب بكون واقف ليطلع على غرفتو بس بتوقفو ام أيسر
ام أيسر: أشهب!
أشهب: اي خالتي خير ان شاء الله...؟! بدك شي
ام أيسر: وين أيسر لهسا ما اجى ليكون صايرلو شي
أشهب بحط يدو على كتفها وبقرص خذها بمزح وبحكي
أشهب: لكي خالتي الحلوة معقول نيجي انا وأركان على البيت ونام وأيسر صايرلو شي يعني.؟
لا تهكليه للهم أيسر بخير بس في صفقة كثير مهمة حلف يمين عظيم ما بفوت البيت ليخلصها
ام أيسر: شو هي المهمة؟
أشهب بعض على شفتو وسنانو وبحكي
أشهب: هههه لك خالتي لا تقلقي شغلو مريح جداً وما بتعب لا تقلقي راح يجي مبسوط ومروق
يعني صفقة مريحة بس بستلم عقد وبوقع عقد
ام أيسر:اذا هيك لكن تصبح على خير ابني
أشهب: وأنتي بألف خير
عند أيسر وهو عم يلبس ثيابو وكنزتو بضمو من ورا نسرين: بكير خليك هون للصبح هيونا سهرانين وبتغمزو
أيسر ببسوها وبطلع وبحكيلها: لغير مرة يا حلوة تشااااو
الصبح من بعد الفجر بيطلعو جواكرنا بالسيارة
قدام أركان عم يسوق وجنبو أشهب ورا أيسر مادد رجليه وشبه نايم
أركان: كبلي المي بخلقتو وخلي هالحيوان يفيق
أشهب بضحكة صفرا: أمرك معلممممممممممممم
بفتح قنينة المي وبكبها بوجه أيسر الي بنتفض وبتجلس وهو يحكي
أيسر: لك شووووفي شو صاااير مييين
أشهب: علاء الدين
بسلم عليك وبحكيلك الله لا يوفقك
أيسر: لك يلعن هالشكل ما بتخلو الواحد ينام
بيوصلو على مكان قريب من الجامعة مهجور محاوط بسيارات ورجال مسلحين وبقرب أركان من واحد منهم وبنزل شنتين لون اسود من السيارة وبعطيها لواحد من الي قدام السيارة
وهو بستلمها وبرجع بدق على قزاز السيارة المفيمة باللون الأسود ليبين جزء من راس واحد أصلع روسي من تجار عالم المافيا
بستلم الشناتي وبعمل حركة بيده لواحد من رجاله
بأشرله الشخص انو يلحقوه
أركان: أشهب خليك هون أيسر تعال معي
بحركو راسهم وبفوت أركان وأيسر على مكان في عدد كبير من حاويات الشحن تحتها كمية كبيرة من الأسلحة
بيحمل أركان السلاح وبقوص الي فات معو من الروسيين وبيعطي أيسر إشارة ليخبر أشهب بأنو يبلشو عمليتهم والخطة الي حطوها
بعد دقايق كان أشهب ورجال أركان مخلصين على كل الموجودين عدا رئيس المافيا الروسية
وكان واحد من رجال المافيا الروسية لسا عايش وبحاول يهرب من المكان ورجلو بتنزف وما حدى انتبهلو
لما ابعد عن المكان شوي وقرب يطلع مسكو أشهب
أشهب: شو يا حلوة لوين رايحة وتاركيتنا...؟؟
الرجال بيطلع صوت صرخة وقت الرصاصة اخترقت رجلو وبعدها أشهب برجع بعطي رجالو أمر يخلصو عليه وبتجه لعند أركان
بالمرة الثانية بقوصوه وبعلى صوت صريخه ليصل لمسامع أحدهم وهو راجع وبيدو كاس القهوة
بتتوجه كيان وغزالي لجامعتهم
كيان على كلية الحقوق
وغزالي على كلية الطب بنفس الجامعة الي فيها عدة مباني لجميع التخصصات
حقوق، أدب، هندسة، طب، تكنولوجيا .........
بتوقف كيان وهي صافنة باسم كلية الحقوق قبل ما تفوت المبنى وبتيجي وحدة من زميلاتها
هديل: شو كيان كيفك
كيان: تمام يروحي وانتي كيفك
هديل: تمام التمام،شو ما بدك تفوتي؟
كيان: اي راح فوت بس عم فكر أخذ كأس قهوة من تحت الجامعة الكشك الي بعملها للقهوة اطيب من قهوة الكافتيريا
هديل: اي لكن روحي بسرعة قبل ما تبلش محاضرة قانون الإجرام والعقاب لأنو مهمة محاضرة اليوم
كيان: لكن انا رايحة بشوفك جوا بعد ما ارجع
وبتطلع كيان من الجامعة للشارع التحتاني كرمال تشتري قهوة وترجع
وهي بتمشي بتسمع صوت صراخ من المكان المهجور صراخ الرجال الروسي الي تم إطلاق الرصاص عليه بواسطة أشهب
وبتستغرب لأنو ما حدى بقرب منو وموجود لافتة انشاءات انو المكان بشكل خطر الانهيار بأي لحظة
بتقرر تكمل مشوارها وتجيب القهوة وبعد ما تشتريها بترجع بتسمع نفس الصوت الي هو الاطلاق الثاني للرصاص وقت قتلوه رجال أشهب
وبتقرر تقرب لتشوف شو مصدر هاد الصوت
وبتلمح جثة رجال ميت وفي حدى بسحب فيها لجوا وخلال هاي اللحظات بتطلق صوت صرخة صغيرة وبتكتم صوتها وهي مفتحة عيونها على اخر وسع ومصدومة
وفي هاي اللحظة بينتبه المسلحين لوجودها وبعطو علم لأشهب
وهي نازلة لتهرب والأفكار السودا براسها ومقررة تبلغ الشرطة عن الي صار بتمسكها يدين
كيان بصراخ: تركنييييييييي بعد يدك هيك عني
وهي لسا تحت صدمة المنظر الي شافتو
أشهب بكتم نفسها بيده وبحملها وهي بتصرخ وبتضرب فيه
ببعت رسالة لأركان
(في بنت شهدت على الي صار هون وحتى ما يصل خبر للجواكر ويعرفو بالي صار ضدهم راح صفي دماتها الحين)
وهو بكتب الرسالة بتعض يده وبتخبطه على المنطقة الحساسة وتحت فكو على سنانه وبتركض بأقصى سرعة دبت فيها الادرينالين
وأشهب بوقع على الارض يأن من وجعه وهو بدو يقوم يلحقها ويقوصها بنص راسها
وهي بتركض بتخبط بجبل وبتوقع على الأرض
وإذ الجبل الي قدامها طلع الحيط أركان
كيان: وهي تشهق وتحاول تاخذ النفس
ساعدني بترجاك ساعدني .... في ميت.... مجرمين... مات... قتلوووووه.... بدو يقتلني... بترجاك ساعدني
ومش عارفة تكون جملة مفيدة وهو مسكها من يدها
ورفع وجها ونظرها بنظرو
مسكها من يدها وهو بجر فيها زي الي ماسك خروف ليبعته على المسلخة
وهي صارت تحاول تفلت يدها منو وتضرب فيه وعالفاضي
اركان بيمسكها وبرميها بقوتو على الارض لتخبط فيها وبصرخ على اشهب
اركان: بنسمي حالنا راس المافيا وبنت صغيرة كانت راح تهرب من بين يدينا اليوم وتكشف كل مخططنا الي النا سنين بنشتغل عليه
وبنزل للارض وبيجحر كيان وبقول
اركان: شو الي بتعرفيه وشو حجم المعلومات الي بتعرفيها.....؟؟؟؟؟؟!!!
اكتبولي رأيكم 🥺🥺
حبيتو كجزء أول أو لاء
اخذ معي اكثر من ساعتين وانا زبطلكم اياه وعدل
اتركولي كلمة حلوة أو دعوة❤️
والجزء الثاني اليوم المسا
الجزء الثاني
#مافيا2
كيان وهي بتبكي من وجع وقعتها: والله ما بعرف شي لك اتركوووووووني شو بدكم مني؟؟
أركان بقرب وجهو من وجها وبطلع بنص عيونها وبحكي
أركان: مكان مهجور وما في اي مخلوق جاية عليه لحالك دون حدى بالصدفة يعني؟
شو شايفتيني واحد غبي شي اااااااااااه ؟
كيان: شايفتكم حيوانات بشرية تجمعت حولي فجأة ومو شايفة شي ثاني أما اذا انت شخص غبي أو لا ما بعرف أنت ادرى بحالك
أركان بيصفقها كف زي فراق الوالدين
وبيمسك فكها بيده وبقول
أركان: شقفة بنت حيوانة و******** بتتجرأ وبترفع صوتها علي أنا...؟!
بصرخ أركان وبحكي: أشهب أيسر
أشهب وأيسر: تحت اشارتك معلم
أركان: خذوها للقبو واستنوني هنيك وحملو البضاعة بسيارات الإسعاف بشكل سريع عشان ما حدى يشك أو يعترض طريقنا
المكان هون ما عاد أمن وممكن اي حدى يهاجمنا اذا هاي الحيوانة كانت جاسوسة لحدى فأكيد نبهتهم
كيان: لكن الحيوانات بتعرف بعضها وبتحكي نفس اللغة
أركان بينزل للأرض على مستواها وبحكي
أركان: راح فرجيكي الحيوانات شو بتسوي بس ارجع شوف وجهك الحلو الي راح يصير خريطة العالم
أما هلق خذوها من وجهي قبل ما صفي دمها هون
أشهب وأيسر بيشحطوها كل واحد من يد وبزتوها في السيارة
أما أركان بيشرف على اخر سيارة إسعاف بتحمل الأسلحة لتنقلها على مخبأو السري وبعد ما يخلص وتنطلق اخر سيارة بيركب سيارتو وبلحقهم
بالسيارة عند أيسر واشهب
كيان: ولكم حيوانات شو بدكم مني فهموني
انا شو عملتلكم يا الله غير امي تفرمني فرم لأني تأخرت على البيت ولا ابي اذا عرف أنو لهسا ما حضرت محاضراتي ومختفية راح يفكرني نخطفت أو صرلي شي حادث
وبتصير تبكي وتشهق وتخابط بدها تنزل
أيسر: ولك متخلفة أنتي فعلاً نخطفتي بسبب طولة لسانك الي ما كان ينضب بحلقك وراسك هاد الي داحشيتو هون وهون
كيان: شو رأيك ادحشو يعني بحياتك أنت..؟
أشهب: أيسر
أيسر: يعني بس بقول عشان تعرف انو تفكيرها بمحلو وما عاد ترجع على البيت لأنو هووووووب
بعمل بيدو حركة الطيارة لما ب
طير لفوق
أركان حجزلها طيارة على جهنم هه
كيان وهي بتبكي وبتصرخ: لك الله لا يوفقم
شو بدكم مني انتو وزفت الطين
لك انتو عارفين مين خاطفين لك انا بكوووو...
قبل ما تكمل كلامها أشهب بسكر تمها بلاصق
أشهب: سامعيييييييييين
أيسر: شو؟..؟
أشهب: الهدوء .... هه لك يخرب بيتها من حالها ما كانت تسكت من لما ركبت وهي بتلعي مفكرة حالها بدار الي خلفوها مش انو هي هلق مخطوفة وراح تموت
*
بعد ما وصلو ونزلو من السيارة وربطو كيان بنص حلبة المصارعة وطلعو وقفو برا
أشهب: محلا هالشمسات بتكسب سمار مجاني
أيسر: 😂😂😂😂😂الله لا يوفقك بنص كل هالمشاكل همك سمارك مش مكفي سمار قلبك
أشهب: لكن بشو فكر
فكر بنسرينك مثلاً 😉
أيسر: خراس ولاك
أشهب: بتحبها
أيسر: مين؟
أشهب: نسرين..؟ ليش كم وحدة في بحياتك ولاك؟
أيسر: هه في نسرين وشيرين وتشرين وغيراتها
انا كبيري اتسلى يومين بعدها بمل وبجدد😉
يعني اذا هاد حب بتقدر تحكي كل يومين بحب وحدة جديدة، لك وانا ماشي بالشارع العساسيل الي بشوفهم لثواني وما برجع بشوفهم لآخر حياتي بحبهم
أشهب:😂😂😂😂😂😂
بكرة بتوقع يا صاحبي والله لتنذل
أيسر: بكرة ب********
اشهب: لحالك****** وهي وصل أركان بيك
بينزل أركان من السيارة ويمشي لعندهم وهو لابس قميصو الاسود ورافعو لنص يديه مع بنطلونو الاسود
أركان: وينها؟
أشهب: مين؟
أركان: علاء الدين...🤬🤬مين يعني هذيك ال***
أشهب: ليكها جوا مربطة لأنو لسانها ما بفوت على حلقها
بمشي أركان لجوا وبيلحقوه أشهب وأيسر
بيفوت وأول ما دخل وقرب من الحلبة التقو عيونو بعيونها وصفن فيها لثواني وفي ملامح وجها الثابتة
أركان: أشهب اعطيني المسدس... وبمد يده
أشهب بيطلع بأيسر وبروح يعطي أركان المسدس وبرجع لمكانه
أركان: أيسر خوذ ثنين من الرجال واحفرلي قبر برا هلق وفوراً خلال 3 دقايق بدو يكون جاهز!
أيسر بيعمل بيدو رقم 3 لأشهب وبوجهو علامات انو كيف بدنا نلحق نحفرو
بعدها بيطلع وببلش تنفيذ أوامر أركان
أركان بيجيب كرسي وبقعد مقابيل كيان
أركان: شو اسمك..؟ ومين الي بعتك عنا؟؟
كيان: مممممممممممم وبتحرك رأسها
أركان بيسحب اللاصق عن تمها وهي بتطلق صرخة وجع خفيفة،. بعدها بترفع راسها لفوق بكبرياء وبرجع شعرها لورا
كيان: كيان
أركان: عفواً...؟
كيان: اسمي كيااااان
أركان: لصالح مين بتشتغلي
كيان: لصالح ستي وسيدي......... لك انا بالبيت امي ما بشتغل معها وما بساعدها إلا نادراً جاي تحكيلي لمين بشتغل.!؟! العمى يضربكن واحد واحد شو بدكم من بنت مسكينة رايحة على دوامها بأمان الله
لك كنت رايحة اتسمم قهوة ريتها نكسرت رجلي قبل ما أوصل لعندكن ليكها طلعت سيارة من فوقي روحة رجعة ولا عرفتكم
أركان: خلصتي..؟
ريتنا نشربها بعزاكي شو بتلعي
كيان بتطلع فيه بكره وبتلف وجها للجهة الثانية
أركان بيمسك فكها بيديه وبضغط عليه وهي بتبين ملامح الوجع على عيونها وبتعلق دمعة بطرفهن
أركان بأشر لواحد من الحرس بيده وبحكي : فكوها وطلعوها وراي لبراااااااا وبيطلع
بفكو كيان وبشحطوها شحط وهو حاطط يديه ورا ظهرو وبيطلع بالقبر المحفور بعدها بطلع من جهة كيان وبسحب الزنااااد
وبتطلع رصاصة من سلاحو
وطخخخخخخخ
بوقع الشخص الي كان ماسكها عالارض ميت
وكل وجه كيان بصير بقع دم وهي فاتحة عيونها وتمها على اخر وسع
أركان: حق الكلب الي بشمشم اخبار لغيرنا رصاصة بنص راسو
أما حق الخااااين.....؟
برجع بدور مشط سلاحو وبوجهو على كيان
أشهب: رصاصة بتنقرء على روحو وعلى روح سلالتو كلها وما بتوقف على هيك لااااااااااا وعلى روح كل مين ضحكلو وسلم عليه بقصد وبدون قصد لينمحي أي أثر بدل على وجودو بالدنيا .... هه
أركان وهو بيطلع بعيون كيان
أركان: مين الي بعتك وهاي اخر مرة بسألك فيها
انا مش بحاجة اسمع كلامك لأني بقدر اعرف مين دون ما تنطقي حرف
بس الفرق انو بالاول راح تموتي دون تعذيب اما بالثاني الي بتسكتي فيه وما بتعترفي راح يكون
,,,,,, موت بكل لحظة تحت التعذيب🤬
كيان: الله لا يوفقم لك كل هاد طلع لا حلم ولا كابوس ولا مقلب من حدى، هلق عنجد انا مخطوفة ومتورطة وشاهدة على جريمتين قتل يعني!
أركان: لهيك لازم تموتي
بروح أركان وبمسك واحد من الكلاب الي كانو ينبحو وبطعمها قطع من اللحم وهي بين يديه وما كمل الكلب اكلها
أركان: شو زيوس(اسم الكلب)....؟ ما عجبك حتى أنت لحم الخاينين ما هيك..؟!!!
لحم الخاين مر وما بتاكل لهيك كل خاين راح اعملو قبر هون ليتحول المكان لمقبرة جماعية بضم كل الحيوانات
كيان بتصرخ بخوف وبتستغل الوضع وبتركض للجهة الثانية وهي بتركض بتصطدم بمييييين..
طبعاً أركان
وأركان بتتحركلو شعرة
بعدها بطلع صوت رصاص عالي
بمسكها أركان من بطنها
ظهرها بكون على بطنو وهو حاطط يدو على تمها وكاتم نفسها بتعض يدو وما بتحرك من مكانو بترفع كيان عيونها وبتطلع فيه انو يعني شو أنت ما بتحس؟..؟؟!
أركان بيطلع فيها وبحكي: راح شيل يدي هلق وإذا بسمع صوتك راح اذبحك بأرضك وصفي دمكككككك فااااااااااااااهمة
كيان بتحرك راسها فوق وتحت انو موافقة
أركان بيمسك يدها
وبركضو بتجاه مخرج أرضي
وهنن بيركضو بيسمعو صوت قواص وبعدها صريخ أيسر
أيسر: لاااااااااا
`
المشاركات
تعليقات