*❴📖❵↵حرقة قلبي*
*❴🔢❵الـــبـــــــــــ❴الاول❵ــــــــــــارت*
➖➖➖➖➖➖➖➖➖
*
➖➖➖➖➖➖➖➖➖
.
➖➖➖➖➖➖➖➖➖
*
➖➖➖➖➖➖➖➖➖
*{😍}قــرا۽ة ممتعــه للجميــع*
#حرقة_قلبي
#بقلم_مروةآغا ❤️
من لما انخلقنا انخلقت معنا حنية وحب ورعاية لولادنا بتفوق كل شي إن كنا إنسان أو حيوان
رغم كل الألم والتعب يلي منشوفو بالحمل والولادة والتربية منبقى حنونين ع ولادنا ومنعطين حياتنا وروحنا وراحتنا كمان
(فطرة) زرعا رب العالمين فينا....❤️
______________________________________
رنيم: يارب ساعدني.. ااااه يا امييييي
ااااخخخخخخخ ماعاد اتحمل ياااارب.. ااااااااااااااااااه يااااااااااااااااااااااااااااااارب...
( واااع وااااااع ) طلع صوتو ورن ب اذنيي رن سمعت الداية عم تقلي
ام خالد: الحمد لله ع سلامتك
كان وجهي كلو عرق هلكت وتعبت اول مرة بتعب هالقد مع اني ولدت قبل مرتين وكانت اسهل من هيك بكتيير مابعرف ليش هالولد تعبني بحملو وبولادتو كمان
اخدت نفس عميق وكل منطقة بجسمي عم توجعني رديت عليا بصوت مبحوح: الله يسلمك
ام خالد: تعالو حمموه
ركضت بنت احمايي سامية شافتو وقالت ماشاء الله حممتو ولبستو ولفتو
كانت عيوني عليا عم تلاحقا من مكان لمكان
رنيم: مشان الله خليني شوفو
حماتي: ماما هاتيه
قربت مني سامية وحطتو بحضني كان بيشبهني ابيض متلي وخدودو حمر وموردين قربتو مني ضميتو وشميتو وكنت بدي رضعو بس حماتي سبقتني
حماتي: يلا الله معك ام خالد يعطيكي العافة طالعيا سامية وحاسبيا
قربت مني حماتي وهمستلي: الله يرضى عليكي انتي عطيتي وعد لسامية تعطيا اياه اذا رضعتيه بكرا ماعاد يسكت دائما بصير لازم ترضعيه
ولمحت سامية واقفة عند الباب وعم تسمع الحديث
التفتت لعند حماتي وقلتلا: بس هاي رزقتو الله بعتلو اياها حراااام .. وانا كل يوم رح شوفو برضعو شوي .. وبعدين انا ما وعدت حدا هاد وليد قلكن وانا ماقدرت قول لاء
اتطلعت عليي سامية بنظرة مكسورة ونزلو دموعا قربت مني وهيي عم تمسح دموعا بكف ايدا
سامية: الله يخليكي انتي سنة الجاي بتجيبي واحد تاني بس انا مابقدر..
قعدت ع الارض وهيي عم تبكي حرقتلي قلبي ونزلو دموعي معا مابعرف كيف حن قلبي عليا وسكتت
حماتي: خلص سامية خديه وروحي
قربت مني اخدتوا وطلعت فيه حسيتا اخدت قلبي وروحي معا طلعت وخبطت الباب وراها.. اخدت شقفة من قلبي يلي لسا ما فرحت بشوفتو صح عندي بنت وصبي غيرو بس لو كانو مية اغلى من عينيي هيك كانت تقلي امي .. هلق حسيت شو معناها اااه يا امي لو تعرفي بغيابك شو عملو فيي حرقولي قلبي وكسروه .. قدروا ياخدوا شقفة مني وبعدوه
كنت جمدانة بمطرحي وماقادرة اعمل شي ولسا عم حاول استوعب شو صار
بقيت حماتي عندي تساعدني وانا قرفانة وماني متقبلة اي حديث منا.. ب اخر الليل بيدخل جوزي ومعو الصغار ركضوا عليي وضموني نزلت دمعتي وحسيت ب الهم يلي جاي من بعد هاليوم.. قعد ع طرف تختي حسيتو مهموم وزعلان
وليد: كيفك ان شاء الله احسن
ما قدرت اتطلع فيه لان هوي السبب من لما ولدت بنتي من كتر ما اختو بكيت لما شافت بحضني البنت حلف يمين الولد الجاي يكون الا ما كان عرفان شو نتيجة قراروا.. وانا من يوما خيفاني احمل مشان ماياخدوه مني..
والله راد وحملت وبقيت كل حملي وهني يداروني ويخبوني من عيون العالم مشان مايعرفو بالولد يلي سرقوه..
وانا كل ما عم يكبر بطني همي عم يكبر معو وما اققدر اكل صرت انحف من قبل والولد ينحف معي..
صح هيي الله حرمها الولاد وهالشي كتير صعب عليا ويمكن ماحس بيلي عم تحس فيه.. بس هالشي مابيعني تاخدلي ابني..!!
سامية كانت بتسكن بمنطقة بعيدة عن منطقتنا شي ساعتين كان اتفاقنا تنتقل ع منطقتنا ل اققدر شوفو كل يوم.. بس بيسكن عندن
اخدتو وماعادت بينت وكل يوم يمر عليي اصعب من القبلو ولادي يسألوني وين اخون يلي كان ببطني وانا ما جاوب بس ابون قلن انو مات
اتطلعت عليه نظرة حقد ونزلو دموعي تركتو ومشيت دخلت غرفتي وقعدت ع تختي.. لحقني وقعد بقربي
قرب منو
ي وحط ايدو ع كتفي برقة وقلي: خلص يا مرة وكلي ربك الله بعت هالولد لتربية اختي.. وانتي كنتي مابدك تجيبي ولاد والله بعتو.. بعتو مشان يعوضا ع صبرا بكرا شوفي كيف رح يربى منيح وبس يحين الوقت منقول انك امو
بعدت ايدو عني بعصبية وقلتلو: بعد شوووو!! بعد ما حرقتولي قلبي كانت تاخد ابن اختا او ابن اخوك ياسر او شي ولد من الميتم في كتير ولادو مالن اهل او اهلن زتون ليش انا.. ليييش..
والله ما رح سامحكن
ليك حليبي كيف ماعم يهدا اكيد بكون جوعان هادا الحليب الو وانتو حرمتوه منو الله يسطفل فيكن.
بس خليا تجيبو لهون لشوفوا ماهيك كان الاتفاق!!؟؟
وليد: خلص بوعدك احكي معا
رميت حالي ع تختي وغطيت وجهي وانا عم ابكي لغفيت
وتاني يوم بعد ما اجا من شغلو حطيتلوا الاكل وكنت محرقصة اعرف اذا حكا اختو
وبقيت رايحة وجاي من قدامو...
*❴📖❵↵حرقة قلبي*
*❴🔢❵الـــبـــــــــــ❴الثاني❵ــــــــــــارت*
➖➖➖➖➖➖➖➖➖
*
➖➖➖➖➖➖➖➖➖
.
➖➖➖➖➖➖➖➖➖
#الجزء #الثاني (2):
#حرقة_قلبي_
واخيرا وليد بيفتح تمو: حكيت اختي وقالتلي رح تجيبو بالعطلة
رنيم: اي لكن لانو ابنا تاخدو وتمنعو
عني انا بفرجيا بس جابتو ماعاد الو طلعة من هون وبتشوف
ومضي اربعيني وانا زعلانة كتير ووجع صدري ما كان يهدا مع انن بقولو ع البكي والزعل بروح الحليب بس ابدا ما خف وكل يوم حاول فرغ منو شوي ل ارتاح.. كتير اتصلت فيا لقلا تجبلي اياه لرضعو بس كانت تخاف اخدو منا وماترد عليي...
انا بطبعي حبابة ومابيطلع معي الحكي وقليل ليعلى صوتي وماقدرت رجع ابني لحضني واليمين يلي حلفو جوزي ماقدر يرجع فيه مع انو في فتاوي بهالشي بس هوي كان زعلان ع اختو
كنت كل مافكر رجعو او روح خبر الشرطة يرجعولي ابني كنت اتذكر نظرة سامية المكسورة وصرت فكر بحكي وليد انو رب العالمين بعت هالولد رغم كل المانعات يلي كنت اعملا بس بعتووو يمكن ليكون سند الن بعد ما كبروا وما الن حدا ..
بس هيي اخدتو وماعادت خلتني شوفو هاد ظلم وظلم كبير كمان انا الي حق فيه وهوي ابني ابن بطني انا ..
نيمت ولادي ودخلت لنام اتمددت وغطيت حالي وبلشت اتذكر ملامحو ونزلو دموعي
حسيت ع وليد سكر الباب واتمدد بقربي وحسيت بدفا جسمو ونفسو عم يقرب مني
وليد: شو نمتي؟؟
رنيم: شو بهمك!!
قرب مني بزيادة ولفني من خاصرتي : اشتقتلك ما كنتي تقوليلي لازم كل يوم تنامي بحضني مشان الحب يبقى قوي وما ينقص
رنيم: كنت...
وليد: يعني هيك بدك تبقي والله تعبتيني معك
رنيم: اتركني بحالي جبلي ابني بدي شوفو
وليد: خلص بوعدك احكي مع اختي
وقفت وقلتلو بعصبية :احكي مع اختك تجيبو ما تكون طرطور وما تقدر تجيبو
زتيت هالكلمة وطرت ع غرفة ولادي لان كنت خايفة من شي كف يطير ع وجهي
اتمددت بتخت بنتي واتأملت ملامحا كانت بتشبهو كتير نفس نفخة الخدود وتدويرة الوجه ضميتا حسيت حالي عصرتا ب ايديي
هيام : لك ماما شو صرلك اتركيني روحي نامي بتختك شو جابك لعندي
رنيم: يه بدي نام جنبك ممنوع يعني
هيام : لا بس لا توجعيني بحبك انا..
رنيم: تعي تعي ياعمري 😍😍ههههههه يخليلي هالتكشيرة
ورجعت نامت وانا بقيت صافنة واتخيل شو رح يصير بكرا معقول شوف ابني...
تاني يوم صحيت قبل ما يفيق رتبت البيت وجهزتلو قهوتو وانا عم اسكبا فاق
رنيم: صباح الخير
اتطلع فيي ودار وجهو وراح ع الحمام
اخدت القهوة ودخلت فيا ع الصالون وقعدت استنيتو ل اجا
قعد ومسك فنجانو وبلش يشرب منو
رنيم: بدك تجبلي حبيبي شوفو!!؟؟
وليد: يافتاح ياعليم
رنيم: انتي وعدتني
وليد: هاتي التيلفون
نطيت من مكاني جبتلوا التلفون وحطيتو بحضني كتبت الرقم وعطيتو السماعة
يدق ويدق وما ترد سكر الخط ودق ل امو
وليد: الو.. اهلين امي.. كيف صحتكن.. وينا سامية.. شوو ايمات هالحكي.. ليش ما الي خبر.. يعني انا اخر من يعلم.. الله يسامحكن بسسس.....
*❴📖❵↵حرقة قلبي*
*❴🔢❵الـــبـــــــــــ❴الثالث❵ــــــــــــارت*
➖➖➖➖➖➖➖➖➖
*
#الجزء #الثالث (3) :
#حرقة_قلبي
هوي عم يحكي وانا النار عم تشعل بقلبي
سكر الخط وقلي انو سامية سافرت
سافرت ع امريكا مشان تأمنلوا دراسة تكون منيحة ولايقة ب ابنا ومشان الناس ما يسألوا منين اجا هالولد..
وبعد ما سمعت هالحكي ارتفعت حرارتي حسيت النار رح تطلع من راسي خنق وجهي ونزلو دموعي نزلت راسي ورحت ع غرفتي وحسيت ماعاد في امل ابني يرجعلي.....
كنت كل يوم عم ادبل.. وادبل.. وادبل كرهت جوزي وكرهت الحياة صرت اهتم بولادي وبس لان هني كل حياتي
وزادت حرقة قلبي والفسحة بيني وبين وليد كبرت كتييير.. وماعاد اققدر شوف بيت احمايي ولا اسمع عنن شي
بعد كام يوم فتحت الباب وكانت حماتي بوجهي
حماتي: اشتقتلكن قلت بجي بتطمن عليكن وبشوف هالصغار نطف قلبي علين
قلتا بقلبي وانا عم سكر الباب: والك عين تجي كمان...
كنت اعتبرا متل امي يلي ماتت من زماان وانا ما الي غيرا بالدنيا كانت تعاملني كتير منيح بس لما وقفت الشغلة ع بنتا نسيتني ونسيت اني انا كمان عندي قلب
واكيد ما كانت رح تقبل ع بنتا يصير معا هالشي يلي عملوه فيي .. نزلت من عيني
كان حكيا بارد وقلبا ابرد من كل شي ما قدرت عاملا بجفا او قلة احترام ما هيك ربتني امي وقبل ما تموت وصتني فيا وهيي قالتلا رح تكون بنت من بناتي بس للاسف ما صار هالشي
بقيت منيحة معي تعاملني منيح ونسيت كل شي بس انا ما نسيت ومستحيل انسى..
هيي ام متلي بس ماحست فيي💔
اما وليد اااه من وليد صار بعيد عني ومعت يحس فيني متل الاول بعد كل الحب يلي عشناه.. كانت اول سنين حياتنا كلا حب ورومنسية كانت هداياه ومفاجأاتو ما تنقطع كانو الكل يحسدوني عليه على حنية قلبو ورومنسيتو..... اما هلق صار يجي متأخر مشان ما يشوف وجهي ونظرات اللوم والعتب بعيوني كنت قليل لشوفوا يمكن هالشي الحق عليي فيه بس انا ماعم اققدر انسى شو اعمل ماعم اقققددددررر
وسامية ما قدرت تجي لعنا ابدا كان بدن يبقو فترة كبيرة ب امريكا لياخدوا الجنسية وقبل لا كان في اتصالات ولا انترنت ما شفناها وكل فترة بعيدة لنسمع عنن خبر
مرقو 7 سنين متل السم عليي كان روتيني اليومي البكي وصرت وحدة مهملة وقليل ل اهتم بحالي حسيت حالي كبرت عشرين سنة
كنت كل يوم عم ادبل وادبل وادبل صرت قضي ايامي صلاة وقراءة قرآن وشغل وطبخ
ونوووم وابقى قاعدي لحالي
واعتني بولادي ودرسن واهتم بكل واجباتن الحمد لله ماقصرت بحقن
بس قصرت بحق جوزي يلي طفا حرقة قلب اختو ونسي حرقة قلبي
كنت نايمة بتختي لما فتح الباب عليي وليد بعد ما كان ينام بالصالون ومايقرب ع غرفتي وسمعت صوتو عم يرقص رقص
وليد: لك رنيم قومي قومي
رفعت راسي سحبت ملقط شعري ورفعتن فيه ورديت بملل: خير!! شو بدك؟؟
وليد: لك قومي سامية صارت بالمطار قال جاي لهون
وقفت ع حيلي وانا ما مستوعبة شو قال: شوووو معقول
وليد: لك اي اي ساعتين بتكون هون
من دون وعي ركضت عليه وضميتو وصرت نط متل الولاد الصغار اجو ولادي ع صوتي
هيام :شوفي شو صاير !!؟؟
وائل : اكيد هدول اهلك اتصالحو
هيام: ههههه واخيرا واخيرا .. طلاع اخي طلاع
اتطلعت بوليد وفرطت الضحك وهوي صار يضحك معي
كان في لمعة بعيونو الي زماااان ما شفتا
طلعت من غرفتي وبعتت ولادي ع المدرسة كان دوامن مسائي ووليد راح ياخد اذن من شغلو ليشوف ابنو كان نشفان قلبو عليه وبلشت ترتيب بالبيت وانا عم اخر رواق وعم غني..
وسمعت صوت الباب عم يندق ركضت وفتحتو كنت مفكرتو وليد لان وصيته ع غراض بس طلعت سامية
طاار عقلي بشوفتا مديت راسي من الباب بس ماشفت حدي معا
رنيم: قلي وليد لساتك بالمطار
سامية: انا هيك قلتلو..
انا بس جاي احكي معك بموضوع
هيك بدنا نضل واقفين ع الباب
وقفت مصدومة وقلتلا: فوتي
فاتت وقعدت
سامية: بيتكن متل ما هوي ما تغير
رنيم: بس قلبي اتغير وصار عمرو مية سنة من الهم
سامية: سامحيني بس انتي كنتي رح تاخديه مني انا بعرف
رنيم: اكيد ما كنت رح خليه معك لانك ما وفيتي بوعدك ع اساس بس يربى عندك ويبقى قدام عيوني بس انتي اخدتيه وحطيتيه ع اسمك وما خليتيني شوفو.. بقيت كل هالفترة حاول اعرف كيف صار شكلو بس كان قدام عيوني ملامحو البريئة.. لك حتى رضاعة ما رضع.. بتعرفي حليبي لهلق ما نشف.. والله ما رح سامحك
وهلق جاييتيني لحالك تسمعيني كام كلمة عن ابني اتفضلي شو بدك
سامية: سامحيني انتي ما حاسة فيي ولا يوم رح تحسي طعم الحرمان
رنيم: عن اي حرمان عم تحكي لك انتي .. انتي يلي حرمتيني من ابني .. لك انتي ما حبلتي ولا حسيتي فيه برحمك عم يكبر بس انا هاد ابني حملت فيه وقدام عيونك شفتيني كيف اتعذب وانا عم اولد وبعدا شفتو دقيقة.. دقيقة بس يا ظالمة..
انا يلي ما حسيت فيكي!! لك انتي يلي بلا قلب واحساس 💔
سامية: عم تهتيني اني ما بجيب ولاد
رنيم: انا بحياتي ما جبتلك سيرة هالموضوع وانتي بتعرفي بس كنت عم فرجيكي مين يلي ظلم التاني كنت معتبرتك متل اختي بس للاسف خيبتيلي ظني
مافي ولا ام بترضى تعطي ابنا ل اي مخلوق بس انا كنت حاسة فيكي وحبيت عوضك عن حرمانك بس انتي غلطتي وهالشي رح يدفعك تمنوا غالي
سامية: ببوس ايدك خلص ماعاد بعدوا عنك
رنيم: بعد شو انتي يلي بديتي
سامية: بس هلق الولد كبر وصار صعبة نقلو انك امو
رنيم: والله تسطفلي
سامية: بس انا رتبتلو حياتو وكل شي هنيك خاص فيه وبس مارح تخربين اذا بتحبيه ما رح تعملي هيك
اتطلعت عليا وكنت مشتهية موتا محل ما قاعدين بس ما قدرت ما بيطلع ب ايدي بقيت عم اغلي وفور من جوا
وقفت ورفعت انفي وشفت حالي عليا وقلتلا: بدي شوفوا
سامية: اكيد رح جيبو بس بكرا اليوم بكون تعبان
رنيم: بكرا!! لااا مستحيل هلق رايحة معك
سامية: اففف طيب البسي ومشي
ركضت بسرعة البرق كيف لبست ما بعرف وبدقيقة كنا طالعين كان البيت قريب لبيتنا بس حسيت الطريق طوييييل
سامية: الله يخليكي لا تحكي شي خليه بس يكبر بيعرف
وانا اتطلعت عليا بطرف عيني وما رديت عليا همي بس شوفو وضمو لحضني
رنينا الجرس وطولو لفتحو حسيت هالثواني طويلة وماعاد تخلص
واخييرا فتحت الباب حماتي.. الي زمان ما شفتا ما كنت اققدر شوف وجها بعد ما كنت مفكرتا متل امي بس للاسف طلعت غير هيك بس ما بنكر انو معاملتا لهلق منيحة..
ودخلنا صرت دور عليه بعيوني بكل مكان بس ما بين
اجت سامية لعندي وقالتلي انو نايم
ركضت ع غرفة النوم وشفتو نايم كان ملفوف تحت حرامو وما مبين شي من وجهو قربت منو وبلشت اتلمسو
#مروةآغا
سمعت صوتا عم تقلي: هسس شوي شوي هلق بفيق
ما اهتميت لحكيا وحتى ما التفتت لعندا .. قربت منو وصرت اتلمس وجهو كان بيشبهني بكل تفاصيلو عيونو شعروا لك حتى شكل اصابيعو.. بقيت قاعدي جنبو ودموعي ع خدودي ما وقفو ولا ثانية كل ما امسحن ينزل غيرن ماقدرت ضمو لصدري ونيمو بحضني
وسامية قاعدي جنبي تحاول تبعدني عنو قالتلي نومو حساس وكل شوي تنكشني لأطلع لبرا بس انا ما رد عليا بقيت قاعدي جنبو وشم ريحتو وهوي ما فاق.. كان كتير تعبان..
وسمعت صوت الباب انفتح دخل وليد لعندي شفت بعيونو قهر وزعل ودموع اول مرة بشوفو هيك قرب مني وقلي :م احلااه.. شو بيشبهك..
ايمات بدو يفيق..
رنيم: ما بعرف الي زمان عم استناه قرب مني وقعد بقربي ع الارض وبلش يلمسو ويبوسو
دخلت سامية معصبة: حاج عاد هلق بفيق بكرا بتشوفوه وبتعملو يلي بدكن اياه
وقف وليد......
*
*❴🔢❵الـــبـــــــــــ❴الرابع❵ــــــــــــارت*
➖➖➖➖➖➖➖➖➖
*
➖➖➖➖➖➖➖➖➖
#الجزء #الرابع (4) :
#حرقة_قلبي
#بقلم_مروةآغا
وقف وليد وما حكاها ولا حرف ولا شالا من ارضا
قرب مني وقلي: قومي حبيبتي هلق الولاد بيقلقو علينا بكرا منشوفو
طلعنا وانا عيوني بقيت عندوا ما كان بدي اتركوا بس حرام نايم بلا ما ازعجوا
طلعنا من دون ما نحكي حدي ورحت ع البيت كانو الولاد ناطرينا شافونا شقد زعلانين دخلت ع غرفتي وما حكيت حدا وليد حط اكل للصغار وامن علين حطن بتخوتن ودخل لياخدوا بجامتو
رنيم: تعال نام جمبي
هوي سمع هالكلمة اجا ونام جمبي حطيت راسي ع صدروا كان الي زمااان ما قربت منو
ضمني لصدروا: ااااه من زماان ما حسيت بحضنك وشميت ريحتك
اتطلعت عليه وكانو عيوني كلن دموع: اوعدني ما تخلين يبعدوه عني مرة تاني
وليد: وحياتك عندي ليبقى هون قدام عيونك
ضميتو ونمت وانا عم احلم ببكرا
صحيت تاني يوم مكسرة ( لعمى شو هالنومة وهوي كان متيبس متل الحطبة ماقدر يتحرك من مكانو كنت كابسة ع نفسو ههههه)
طلعت وبلشت تجهيز بالبيت كان يوم جمعة عملت بيتزا قلت اكيد بحبا الولاد روح قلبن البيتزا وجهزت لغدا اليوم
وصارت الساعة 1 راحو ع الصلاة وانا دخلت ع غرفتي مديت مصلايتي صليت ودعيت ربي يحفظلي ولادي ويحمين ويبقوا قدام عيوني
كنت عم ادعي وابكي
وبقيت ناطرة وانا عم قول التسابيح وانا قلبي عم يفور ويغلي ناطرة اللحظه يلي يفوت فيا لعندي وضمو لحضني
رن الجرس ركضت هيام فتحت الباب وانا عيوني ع الباب وشفتو داخل كان لابس ومتطئم نزلت دمعة من عيني خبيتا ب ايدي (خلص من اليوم معت بدي ابكي)
قرب مني وسلم عليي الدنيا ما وسعتني من فرحتي شديتوا لصدري وضميتو كان بدي خبيه بقلبي وما اسمح لحدا ياخدوا..
وسمعت صوتو عم ينادي ماما وركض لعندا انكسر قلبي وردت نزلت دمعتي
قلت بقلبي ( منين ماعاد ابكي خلص انا حياتي رح تبقى هيك..)
كان وليد عم يجيب الحلو دخل وشفتو كيف عيونو كانت ع الصالون عم يحاول يلمحو كان محروق قلبو ماكنت شوفو هيك
ركضت ع غرفتي وركيت راسي ع الحيط وبلشت بكي دخل وليد ضمني لصدروا
وليد: بترجاكي حاج تبكي والله لرجعو لحضنك
مسحلي دموعي وطلعنا حطيت الاكل وقعدنا ع الطاولة كنت عم اتأملو كانت حركاتوا كلا منظمة اكلو لبسو لك حكيوو كان غير كلو ع الاتيكيت.. شفت الفرق بينو وبين اخواتو اكيد لو كان لسا عايش معي ما كان طلع هيك نحنا حالتنا ع قدا اشتغلنا مناكل غير هيك الله بيعلم بحالنا
سامية صح الله حرمها من الولاد بس الله عوضا عكسي بكل شي وهلق صار عندا يلي بتحلم فيه.. وانا بقيت ع حالي وكلمالي عم ارجع لورا
خلصنا اكل وانا ما اكلت كام لقمة وحتى وليد ما دئر صحنو اما ايهم اكل بس من البيتزا يلي عملتا مشانو كتيير عجبتو متل ما اتوقعت
وسمعتو عم يقلا: ماما ماما ليش ما بتعمليلي منا
اتطلعت فيي سامية بنظرة كلا غيرة وما ردت
بعرفا من طول عمرا بتغار مني مع انو عندا كل شي احسن مني بس انا احلى واصغر هالشي كان عاملا عقدة
اخدتو سامية ل ايهم غسلتلو ورجع قعد وشو ما عمل او اتحرك يسألا
لك حتى جوزا لسامية كان يخاف عليه من الهوا الطاير وتبقى عيونوا عليه وكل اوامروا مجابة
كتييير انقهرت لك هاي بتعرف كل تفاصيل ابني وكيف بنام وكيف بفيق كيف بياكل وشو بيعمل وانا متل الجدية عم اتفرج
كانو كلن باردين بس انا ووليد كنا بركان ورح يفور
وبقيو قريب الشهر وانا كل يوم شوفو اتعودت عليه وصار يحبني من كتر ما بهتم فيه
كان بيشبهني وبيشبه اختو هيام والشبه كان واضح وكتير كمان كل الناس تسأل وفي منن صاروا بيعرفو انو ابني وهالشي كان زاعجا لسامية وكانت مستعجلة لتسافر....
وقرب موعد روحتن وانا النار عم تشعل فيي مارح اسمحلا تاخدوا من جديد.. راح وليد واتقاتل مع اختو يلي ما كان طايقا لان ما وفت بوعدا يلي عطيتو اياه انو يبقى الولد قريب ويعرف انو عندو امين غير كل الولاد
ورجع وهوي متخانق معا ومعصب
رنيم: شو قالتلك
وليد: بدا تقبل غصب عنا والا بخبر الشرطة
رنيم: اكيد ما رح تهرب؟؟ اذا هلق راحت ماعاد ترجع
وليد: اكيد معت تسترجي
رنيم: ان شاء الله
قرب مني وباسني من جبيني: اشتقتلك.. اشتقت لرنيم القديمة يلي حبيتا
من دون شعور فتلت وغطيت راسي وحسيت عليه كيف صار ينفخ وطلع برا الغرفة وبعدا نمت وماحسيت على شي
فتحت عيوني تاني يوم لقيتو نايم بقربي قربت منو وأتأملتو الي زماان ما شفت عيوني بعيونو.. اشتقتلو.. اشتقت لوليد القديم او بالاحرى اشتقت لرنيم القديمة يلي بتغير حياة وليد.
قمت من تختي وطلعت بعتت ولادي ع المدرسة وبلشت ترتيب بالبيت
وشفتو لابس تيابو وطالع
رنيم: شو لوين رايح.. اكيد هالمرة مارح..
قرب مني شدني من كتافي بقوة
رنيم: اخ وجعتني شبك
وليد: اي هالمرة مارح كون طرطور ورح جبلك ابنك لعندك
رنيم: بس انا ما كنت هيك بدي قول
وليد: لا رح تحكي وانا اتعودت ع كلامك يلي بيجرح انا رجال غصب عنك ورح فرجيكي كيف رح رجعلك ابنك متل ما بعدتو
رنيم: انا... انا.. بعرف.. بس انا تعبانة.. تعبانة كتيير
وليد:
وانا كمان تعبان شو مفكرة بس انتي زعلانة ع ابنك وانا كمان احترق قلبي ع بعادو ما ضروري ضل سوح ونوح لتعرفي اني زعلان.. ع القليلة انتي شفتيه انا بقيت اتخيل كيف شكلو رسمة عينو وضحكتو الو غمازه متلك او لاء ..عيونو كحلات متل عيون حبيبتي او لاء
تركني وخبط الباب وراه.. تركني وانا خجلاني من حالي ودموعي ع خدودي
قعدت بمطرحي ع كرسي خشب صغير .. نزلت راسي وبلشت اتذكر اول مافتنا ع البيت بعد ما كنا ساكنين عند بيت حمايي كنا لسا عم نكسيه وكان كلو غبرة وتراب شالني بين ايديه ودخلني وبلش يدور فيي
رنيم: ههههههههه ياربي حاااج رح دوخ ههههههههه
وليد: هههههههههه والله لعيشك احلى عيشة
وبالفعل عشنا سوا ع الحلوة والمرة.. كانت رزقتو قليلة بس يلي بيرضى بعيش وحبنا كان فوق كل شي
كنت قاعدي نفس قعدتي وما اتحركت لما فتح وليد الباب ودخل معو ايهم وخبط الباب بكل قوتو
كان ايهم خيفان ومخطوف لونو
رنيم: لك شبك شو صرلك!!
وليد عم يلهت: كانت اخدتو ورايحة سحبتوا من ايدا واجيت
رنيم: الله ينتقم منا
اخدت ايهم ودخلتوا لغرفة الولاد سطحتو وحطيت راسو بحضني وبلشت العب بشعراتو وغنيلو لنام
طلعت شفت وليد عامل قهوة وعم يدخن
رنيم: ليش لهلق ما اجت
وليد: هلق بتجي بتكون ع الطريق
ولسا ما كملنا حديثنا كان الباب عم يندق..
*
*❴📖❵↵حرقة قلبي*
*❴🔢❵الـــبـــــــــــ❴الخامس❵ــــــــــــارت*
➖➖➖➖➖➖➖➖➖
*
➖➖➖➖➖➖➖➖➖
.
➖➖➖➖➖➖➖➖➖
*
➖➖➖➖➖➖➖
#الجزء #الخامس (5) :
ولسا ما كملنا حديثنا كان الباب عم يندق
سامية: وينو ايهم وينو ابني
رنيم: هاد ابني انا فهمانة
سامية: طيب متل مابدك بس بدي شوفو
رنيم: اكيد مارح كون بلا احساس متلك ليكي نايم جوا
اجا وليد ودخلا كانت اعصابا منهارة فاتت واتمددت ع الكنبة
سامية: حكيتلوا شي !!؟؟
وليد: ارتاحي هلق بعدين منحكي
سامية: والله اذا اخدتو مني ل اققتل حالي والله
رنيم: لا رح خليه معك لترجعي تخطفيه...
وبيندق الباب..
وليد: روحي افتحي الباب
كانت حماتي دخلت وهيي مرعوبة ع بنتا.. اكيد ولا مرة ارتعبت عليي لما شافتني عم ادبل قدام عيونا من زعلي ع ابني بس بنتا هلق زعلت عليا..
قعدت بقربا مسحتلا ع شعرا وبلشت تواسيا
كنت واقفة ع الباب لافة ايديي ع خصري وعم هز ب اجري
سامية: حبابة لا تحكي شي
رنيم: هيهييي علينا
وليد: شوفي اختي خلينا نحكي بالمهدوي وبكل رواء لازم الولد يعرف مين امو الحقيقة واكيد انتي امو كمان. وبتعيشي هون وبنام عندك ومنشوفوا كل يوم
سامية: لا.. لا اكيد رح تاخدوه مني
كان عندا خوف كبير من انو ناخدو منا بس والله انا حاسة فيا رح تبقى هيي امو كمان بس نقلا ثووور تقلنا حلبوووه ....
طلع ايهم من الغرفة وعم يعرك عيونو، ركضت عليه وضمتو وبلشت تبوسو
سامية: والله انا بحبك، انتي خليتني ارجع للحياة لا تتركني
ايهم تركا ورجع لورا وكان مصدوم اخدتو بحضني وضميتو وما شفناها الا وقعت ع الارض وبلشت تنتفض وترجف وغابت عن الوعي
وبلشنا نركض فيا بقيت بالمشفى كام يوم لتحسنت صار معا اختلاج من خوفا ورعبتا
ورجعت ع بيت احمايي قعدت فيه ماكنا قدرانين نحكي معا ب اي موضوع الدكتور قال بدا رياحة وتبعد عن التوتر
كان ايهم ينام عندي انا طعميه وحممو ولبسو كانت لحظات بتجنن واخواتو بلشو يغاروا منو.. وكل يوم كنا نطلع لنشوف سامية لان كانت تتحسن بشوفتو.. صح كنت اكرها بعد يلي عملتو بس كتير خفت عليا والله قلبي طيب ومابهون عليي حتى ب اعدائي
وهالمرة عطونا وعد انو كل يوم شوفو بس بنام عندا وانا وافقت المهم يبقى قدام عيوني
والحمد لله ما خلفت بوعدا وجوزا صفى اشغالوا ورجع لعنا اشترى بيت قريب علينا وفتح مشروع
وبلش قلبي يحن علين ورجعت المي لمجاريها
ورجعت حياتنا انا ووليد لطبيعتا ورجع حبنا ينما من جديد 💖
والله راد احمل من جديد وجبت همسة كانت قمر مصور كانت دلولة الكل بدلعا وغنجا
ومرت الايام والولاد كبرو وصار صبايا وشباب
واتوفت حماتي وكمان جوزا لسامية
اما سامية كانت عم تكبر وتختير وكل ماصار معا انفعال او شكت انو نحكي شي ل ايهم تدخل المشفى
بس نحنا كنا دائما نعاملا منيح وما قدرنا نحكي شي بقينا ساكتين كنت شوفو من بعيد وكنت حن عليه اكتر من سامية لان هيي كانت عم تربيه على اساس ونسيت انو الحنية هيي اول الترباية وبعدا بتجي القسوة وقت الغلط
وكبروا ولادي ايهم اتخرج من الجامعة وعم يعمل دراسات عليا وبدوا يستلم اشغال ابوه يلي رباه.. اما وائل ما فلح بدراستو كان عم يشتغل نجار ومستلم منشرة كبيرة.. وهيام اتجوزت وسافرت ع الكويت وصار عندا ولد
اما همسة دلولتي الصغيرة صارت بكلوريا وهلق عم تقدم امتحانات واليوم اخر امتحان
رنيم: لك يا همسة تعي كلي لقمتين
هسمة: لك يا الله ما لي نفس حط شي بتمي اليوم اصعب امتحان
رنيم: بس هاللقمة هلق بتدوخي
همسة: حاضر بس هاي.. يلا يامو ادعيلي.. سلااام
رنيم: الله يرضى عليكي وينور طريئك ويفتحا بوجهك
وانا كملت حوسة البيت وقعدت قريتلا قرآن ودعيتلا لرجعت
دخلت همسة من الباب مسكتني وبلشت تدور : هييي واخييرا خلصت
رنيم: لك خلص خلص رح دووخ
همسة: بدي شوف
تلفزيون واطلع مع رفقاتي وما خلي شي
رنيم: اي لكن حقك يا ستي
دخلت كمل الطبخة ولمحت همسة لابسة وطالعة من الباب ع الهسي
ركضت وطلعت وراها شفتا راحت لورا البيت في حوش صغير دخلت عليه
لحقتا وشفتا وكانت الصدمة
*❴🔢❵الـــبـــــــــــ❴السادس❵ــــــــــــارت*
➖➖➖➖➖➖➖➖➖
*❴📝❵↵
➖➖➖➖➖➖➖➖➖
.
➖➖➖➖➖➖➖➖➖
#الجزء #السادس (6) :
#حرقة_قلبي_بقلم_مروةآغا
وقفت مصدومة وما عرفت شو اعمل..
شفت همسة واقفة مع ايهم وتنيناتن طايرين من الفرح.. كان واقف وراكي ظهروا ع الحيط وايديه بجيبتو وهمسة واقفة قدامو وكانت عم تحكي وتضحك
لوقت ما شافني اتنحنح وهمسة اتخبت وراه
انا كانت النار رح تطلع من عيوني قربت منن وشديت همسة من شعرا وقلتلو ل ايهم ( الحقني.. )
ركضت ودخلت ورميت همسة ع الكنبة
همسة: مشان الله والله ماعملت شي غلط.. الله يخليكي لا تحكي لبابا
ودخل ايهم ورانا وانا واقفة عم افرك ب ايديي
ايهم: والله انا قصدي شريف وبس نخلص دراستنا بدنا نتزوج.. انتي بتعرفيني.. انتي ربيتيني..
كنت واقفي فوق راس همسة رفعت ايدي وسلختا كف بكل قوتي فشيت كل قلبي فيا
همسة: اااااااه لك انا ما عملت شي غلط والله
شدني ايهم وبعدني عنا: اتركيا هيي ما دخلا انا اعترفتلا بحبي اضربيني الي والله العظيم بصير متل مابدك
رنيم: من ايمات وانتو هيك
همسة عم تبكي : اااااه مابهم.. نحنا بدنا نتزوج
رنيم: اخرسي مابدي اسمع صوتك هاي نهاية ثقتي فيكي اه
همسة: والله معت عيدا الله يخليكي
وطت ع اجريي وبلشت تبوسن انا بعدت ووقفت عند الباب
ايهم: اذا بدك بكرا بجي بخطبها
رنيم: لا ما بصير حراااام.. حراااام...
وانا عم صرخ بيدخل وليد
وليد: شوفي!! حدا صرلو شي.. لك رنيم شبك.. شبا همسة.. ايهم احكيلي امك صرلا شي
وشفت همسة عم تترجاني بعيونا مشان ما احكي
بس ما قدرت ما احكي هالشي يلي عم يصير حرام
رنيم: قال بدن يتزوجوا
خنق وليد وعلي صوتو: شوووو... شو عم تقولي.. من ايمات هالحكي
رنيم: مابعرف اسألن
كانت همسة لساها ع الارض وعم ترجف من البكي وايهم بلش يحمر ويتأتأ
ايهم: ان.. انا.. انا والله بكرا بجي وبخطبا ما انتي ربيتني ياخال وبتعرف مين انا
وصل الدم لراسي وكان رح ينفجر وبلشت عيط وابكي: لك ما بصير.. هالشي حراام.. انتو اخواات اخواات
وقفو مصدومين
ايهم: كيف هيك يعني مافهمت
همسة مسحت دموعا وقربت مني: يعني انتي رضعتيه ل ايهم وكنتي نسياني
ايهم: شبكن ردوا!!
كنا واقفين انا ووليد ودموعنا عم تكرج كنت متوقعة يجي هاليوم بس ماهيك.. ماهيك
قربت منو ومسكتو من وجهو: لا ياعمري انتي ابني انا ابن بطني روحي وعمري
تركني ورجع لورا: انتي شو عم تقولي جنيتي يعني
وليد: لا ما جنت صح انتي ابنا نحنا
وهوي سمع هالحكي تركنا وطلع وانا ركضت وراه وناديه: ايهم لك يا امي تعال.. تعال اشرحلك
تركني وطلع وما قبل يسمع مني شي
قعدت بالارض وانا عم اشهق من البكي قرب مني وليد وشالني ودخلني ع الغرفة كانت همسة لسا مصدومة من يلي سمعتو
وليد: انا رايح شوفو
همسة: ببوس ايدك احكيلي شو في
رنيم: ايييي هاد اخوكي يلي خطفتو عمتك وبعدتوا عني
همسة عم تبكي: يعني شو.. شوووو حبيبي طلع اخي
حبيبي يلي كنت ناطرة صير مرتوا بفارغ الصبر ونسكن مع بعض بييت واحد طلع اخي ومحرم عليي
مشان الله قولي غير هالحكي
رنيم: ااااه يا امي لي ما حكيتيلي ماكنت خليتك تكملي وتحبيه كنت حكيتلك من الاول
همسة: لك انا شفتك شقد بتحبيه وقلت اكيد ما رح ترفضيه
ياربي ليش هيك صااار انا بحبو بحبو
رنيم: يابنتي هاد اخوكي افهمي عليي
همسة: الله يسامحكن .. الله يسامحكن بسسسسس
تركتني ودخلت ع غرفتا وخبطت الباب وراها
وانا كنت عم ابكي وابكي حطيت ايديي ع وجهي وكنت عم هز من البكي واشهق وارجع غص
وبيدخل وائل : وينك يا امي يا هموسة.. لك شوفي شبك يامو مشان الله ابي صرلو شي؟؟
وانا ما كان عم يطلع معي الحكي من كتر ما بكيت
بيدخل لعند اختو وبشوفا كمان عم تبكي.. وسمعت صوتن كانت عم تقلو انو ايهم اخوه طلع وكانت مغرغرة الدمعة بعينو
وائل : كيف صار هيك
رنيم: والله ما قادرة احكي اتصل ب ابوك شوف وينو
وبسرعة دقلو وقلو انو عمتو بالمشفى وحالتها حرجة
بقي وائل فوق راسي ليعرف كيف صارت القصة وانا ساكتة وماعم يطلع معي الحكي
قرب وضمني: هيك كنتي عايشة طول عمرك بحزن وزعل كرمالو هلق فهمت.. لا تزعلي والله لجيبو لعندك
وبقينا قاعدين ووائل يواسيني وهمسة ما شفت وجها
#مروةآغا ❤️
بيفتح الباب وبيدخل وليد كان تعبان وزعلان
وليد: سامية اتوفت
كنت مبلشة صحصح: كيف هيك
وليد: ايهم طلع من هون وراح لعندا دخلت وشفتا بالارض
رنيم: انا لله وانا اليه راجعون.. وايهم وينو !!؟؟
وليد: ما قبل يجي معي راح ع بيتن
كيف قمت من مكاني ولبست وطلعت ما بعرف وهني عم يشدوني وانا كنت راكبة راسي وبدي روح لعندوا
وليد: خليه اليوم لحالو خلي يفكر
رنيم: لك شو يفكر مايفكر والله ما بتركوا ينام لحالو
طلعت وركضت ع البيت وكل شوي اووقع اجا وائل وسندني لوصلنا للباب وبلشنا ندق ونخبط وما كان يفتح تعب ت وقعدت بالارض
شفت وليد قاعد ع حرف الدرج وساند راسو ع اجريه.. وائل ساندني وقاعد جنبي.. حتى همسة اجت وكانت واقفة ع جنب
..
..
.
*❴📖❵↵حرقة قلبي*
*❴🔢❵الـــبـــــــــــ❴السابع والاخير❵ــــــــــــارت*
➖➖➖➖➖➖➖➖➖
*
➖➖➖➖➖➖➖➖➖
.
➖➖➖➖➖➖➖➖➖
*
➖➖➖➖➖➖➖
#الجزء #السابع (7): و #الاخييييير
رنيم: لك يا امي افتاح والله تعبت كل هالعمر ناطرة تعرف اني امك لضمك لصدري وتنام بحضني ومافارئك طول عمري.. والله هني خطفوك من بين ايديي وهربت فيك وما قدرت شوفك
سمعنا صوت الباب انفتح بعد ما سمع هالكام كلمة
اتعلقت فيه وساعدني لوقفت ع اجريي
دخلنا وقعدنا بالصالون
ايهم: شو كنتي عم تقولي
وليد: لما رنيم ولدت اختك هيام كانت سامية محروق قلبا ع ولد كتير اتعالجت وعملت عمليات بس الله ما طعما.. اجت زارتنا وهيي دخلت ع البيت وانفجرت بالبكي.. ما قدرت اتحمل دموع اختي. وحلفت يمين الولد الجاي يكون الا
كنت عم ابكي بصوت خفيف وارجف: لما حملت فيك ما قدرت خبر اي حدا لان عرفانة شو رح يصير مع اني كنت رافضة اني احمل مشان يمين ابوك.. بس الله راد وحملت.. بس قدروا يعرفوا من وحامي لان كان صعب ضل استفرغ وابقى تعباني
وهني عرفو خبوني بالبيت ومعت قدرت اطلع مشان العالم ما تعرف جابولي وحدي تساعدني بالبيت والاكل من اطيبوا.. لليوم يلي ولدت فيه كانو فوق راسي لوقت ما كنت انتي بحضني وسحبتك مني بعد ما حننتلي قلبي عليا وعدتني اني كل يوم شوفك بس للاسف غدرت فينا واخدتك وهربت فيك وبعدا سافرتوا ع امريكا
ايهم: طيب ليش ما حكيتيلي لما رجعت
وليد: ما بتذكر لما سحبتك من ايدا وجبتك لعنا ع البيت كنت وقتا حاكي معا وعدتني انا ما تسافر بس للاسف ردت كذبت علينا ووقت هددتا انو احكي للشرطة قعدت وركنت
وائل: ليش ما حكيتولنا
وليد: كل ما حاولنا نفتح الموضوع كانت عمتك تتعب وتروح للمشفى قعدنا وسكتنا
رنيم: وحطينا ع الجرح ملح
ايهم: بس كنتو احكولي بالسر هيك عيشتوني بكذبة
وليد: اكيد لو كنت محلي وشفت اختك هالقد تعبانة كنت عملت متلي صح؟؟
ايهم اتطلع بهمسة يلي كانت واقفة عند الباب ومخباي عيونا من البكي وغرغرت الدمعة بعيونو: اكيد صح
قرب مني وضمني: شقد اتعذبتي يا امي سامحيني
رنيم: ياروح قلبي انتي
قرب مني وضمني اول مرة بضمو هالقد من بعد ما كان عمروا دقيقة.. من لما كان صغير معت قدرت ضمو لان صار شب وانا مرة خالو
شفت وائل وهمسة واقفين وعيونن علينا
رنيم: تعالو.. تعالو لك انتو كل حياتي
ايهم نزل راسو وقعد ع الكنبة قربت منو وعرفت انو زعلان ع موت امو يلي ربتو : لا تزعل ياعمري كلياتنا ع هالطريق الله يرحما ويرحمنا جمييع
وليد: بكرا بتكتب بالنعوة العزا عنا
ايهم: لا خلي هون البيت اكبر
وليد: لا لازم يكون العزا ببيت اخوا
ايهم: طيب النسوان عندكن والرجال هون مشان ما نأسر حدا
وليد: طيب.. ماشي..
رغم يلي صار بيني وبين سامية كنت زعلانة كتير ع موتا وزعلت ع زعل وليد وايهم كانو كتير مهمومين
وانا يشهد عليي ربي كنت حبا متل اختي يلي ما جابتا امي
بس الظروف كانت اققوا مننا
والحياة كانت صعبة عليا.. وعليي كمان💔
كنت حاسة بوجعا الحرمان شي صعب.. صعب كتير والولاد مافي احلى منن الله لا يحرمن لحدي
ومافي شي كامل الكمال لله وحدة
وكملت ايام العزا وبقي ايهم عندي وكان زعلان كتير ويوم عن يوم يتحسن.. اما همسة كانت كتير اتعذبت بعد ماكانت تحبس حالا بغرفتا وتتحاشا انا تشوفو او تحاكيه بس هوي كان اوعا منا وقدر يساعدا لتطلع من هالحالة وبصعوبة بعد فترة قدرت تتعدى مرحلة حبا ل ايهم وصار اخوا وخلصنا من هالقصة
___________________
" بعد مرور عدة اشهر"
صحي ايهم كنت عاملة ركوة القهوة وقاعدي
رنيم: لك الله يسعدلي هالصباح
قرب مني وباسني من جبيني سحب كرسي قعد عليه وحط راسو ع اجريي
رنيم: الله لا يحرمني منك الحمد لله يلي رجعلي اياك بعد صبري 😘😘
ايهم: ماما
رنيم: ياعيونا
ايهم: شو رئيك نفتح صفحة جديدة
رنيم: اكيد بس كيف
ايهم: بدي بيع كل شي ونسكن بمنطقة تاني وبفتح شغل
رنيم : لا مافيني اطلع من هون
ايهم: طيب منشتري ارض كبيرة ومنعمر بيت ومنسكن كلنا سوا
وكان وليد فاق وعم يتسمع علينا: كيف بدك نترك بيتنا يلي عشناه فيه كل عمرنا
ايهم: عادي منبيع كل شي ومنشتري ارض ومنعمرا
وليد: مابعرف.. بس هدول مصرياتك الك
ايهم: له يابي بدك تعمل فرق بيناتنا
وليد: اكيد لا بس اخواتك مابيقبلو
رنيم :انا بحكي معهن
وبالفعل بعنا كل شي واشترينا ارض وعمرنا بيت كبيير بس وائل رفض يعيش ع حساب اخوه اشترا شقفة ارض صغيرة بقربنا من حقو من ورثة ابوه وعمر بيت وبجنبو منشرة وعملنا معرض اشتغل فيه وليد،، اما ايهم كمل بشغلتو واستلم مشاريع ابوه.......
*****
رنيم: يلا اتفضلوا الاكل جاهز
كنت عاملة عزيمة للكل حفلة لنجاح هموسة ب اول سنة جامعة لان بنجاحا بالبكلوريا ماقدرنا نفرح واجت بنتي هيام من الكويت بالاجازة تحضر عرس اخواتا لان خطبت ل وائل ول ايهم مع بعضن وعرسن بعد اسبوع
وعزمت بيت العروس
حطيت اخر طبق ع الطاولة الكبيرة والمجموعين عليا كل احبابي وضحكتي شبرين من فرحتي وعم اهل وسهل بال
كل : لك الله يخليلي هالجمعة ما يحرمني منكن جميييع ودايما منحتفل فيكن حبايب قلبي
كان يوم بجنن كلنا مع بعض قاعدين ومبسوطين وعم نضحك كنت بحلم بهاليوم من زماااان لما نلتم مع بعض وافرح فين
#مروةآغا
______________________________
"بعد العرس"
رجعنا من عرس ولادي وانا فارطة الي اكتر من اسبوع عم اشتغل .. شلحت كندرتي ورميتا واتمددت ع طرف التخت
رنيم: اففف والله تعبت
وليد: اي من كتر الرقص
رنيم: ههههه اذا بعرس ولادي ما رقصت ايمات بدي ارقص
الحمد لله شفتن مع عرايسن مبسوطين والله ماعاطي فرحتي لحدا
وليد: هههههه اي الحمد لله.. بس طالعة بتجنني رجعتي صبيه
رنيم: باللله !! ما انا من طول عمري صبيه ايواااه
وليد: هههههههههه وست الصبايا وحياتك .. تعي سمعك هالغناي حفظتا اليوم
رنيم: هات لشوف
وليد صوتو حلو دائما كان يغنيلي 😊😊😉😉
الله يباركلي فيك يا اغلي من عينيا
الله يخيليني ليك وجبلك الدنيا ديا
الله الله حبيييبي
الله الله يحميك حبيبي ياعمري يا غالي ويخليكيي اليييي... هههههههه
رنيم: هههههه حلوو وبالحمصي كمان ايمات حفظتا
وليد: اليوم من الراديو عادوا كام مرة قمت حفظتا ههههه قلت لازم اخد رئيك اذا حلوة بصوتي
رنيم: لك يخليلي هالصوت وصاحبو ❤️❤️❤️
شالني ودار فييي
لك وليد نزلني نزلني والله دخت هلق بيوجعك ظهرك هههههههههههه
نزلني وقعد بالارض: اخ ولي لقطني وتابي
رنيم: ياربيييييي انا ما دخلني مابدهنلك وتابك
وليد: ههههه لك شو فكرتيني ختيرت تعي لهون
رنيم: مافي مافي هههههههه
وليد: اخ ولي والله عنجد عم يوجعني
رنيم: هههههه بتستاهل مفكرلي حالو شب ههههههههههه
_________________
#النهاية👍
#القصة_واقعية
المشاركات
تعليقات