“كلمات بسيطة بتفتح قلب الراجل وتهدي العلاقة”
الرجالة مش دايمًا بيعرفوا يعبّروا بالكلام بس قلوبهم بتتأثّر جدًا من كلمة طالعة من قلب الست اللي بيحبها.
تعالي أقولك على كلمات بسيطة بس ممكن تفتح قلبه وتحوّل التوتر لودّ:
١. “أنا بحس بالأمان وأنا معاك”
أكتر كلمة الراجل بيحب يسمعها لأنه بيحس إنه ليه قيمة.
حتى لو في بينكم خلاف الكلمة دي بتهدي القلب.
٢. “أنا واثقة فيك”
الثقة بالنسبة له مش مجاملة، دي دعم قوليها حتى لو في مواقف بسيطة، زي:
“أنا واثقة إنك هتتصرف صح زي كل مرة.”
٣. “أنا مقدّرة اللي بتعمله علشاني”
الراجل بيتعب بصمت ولما يسمع تقدير، قلبه بيلين.
٤. “وجودك في حياتي فرق معايا”
كلمة بتطمنه إنه مش بس موجود لأ، مؤثر.
قوليها من قلبك،بصوت واطي وهادي ودافي.
٥. “أنا بحب أتكلم معاك، بحس إني بكون على طبيعتي”
الراجل اللي بتحسسيه إنك مرتاحة معاه بيحس إنه محبوب فعلًا.
٦. “أنا جنبك على طول”
في لحظات ضعفه، الكلمة دي بتبقى طوق نجاة.
حتى لو ما قالش هو بيحتاجها جدًا.
٧. “أنا آسفة لو كلمتي وجعتك ماكنتش أقصد”
الاعتذار مش ضعف… ده قوة بتقوي الحب.
٨. “أنا فخورة بيك”
قوليها لما ينجح في شغله، أو حتى يتصرف تصرف ناضج.
مثلًا:-
“أنا فخورة إن تصرفك كان هادي وموزون في الموقف ده بجد بحترم فيك مواقفك .”
٩. “بحب فيك إنك بتفكر قبل ما تتكلم”
ركزي على صفة فيه وامدحيها بوضوح.
ده بيعزز عنده الرغبة إنه يفضل على طبيعته الإيجابية.
١٠. “أنا حاسة إنك سندي”
حتى لو مابيتكلمش كتير بيحب يحس إنه ضهرك.
١١. “أنا بحب لما بتاخد رأيي في الحاجات”
بتديله شعور بالشراكة والاحترام مش مجرد رأيك، ده صوتك ليه قيمة.
١٢. “بحس بالأمان حتى وإنت ساكت جنبي”
مش لازم يبقى بيتكلم عشان يبقى حنين الجملة دي بتمس قلبه.
١٣. “شكلك مريح النهاردة شكلك فيك حاجة بتطمن”
الراجل ممكن يسمع كلمة زي دي تفضله في باله طول اليوم.
١٤. “أنا بحب فيك قوتك اللي مش بتكسرني”
تميّزي بين القوة اللي فيها حنية ووصلي له إن ده عاجبك فيه.
١٥. “أنا بحب لما بتضحك ضحكتك بتطمنني”
ربطي مشاعرك بتصرفاته الطبيعية هيحس قد إيه هو مؤثر فيكي.
١٦. “أنا مبسوطة إني مراتك”
جملة بسيطة بس فيها كل حاجة. فيها حب، واختيار، وامتنان.
١٧. “ربنا يخليك لينا”
دعوة بسيطة بس بتحسس الراجل إنه مش لوحده، وإن وجوده غالي.
١٨. “أنا بحس إني محظوظة إنك شريك حياتي”
المشاركات
تعليقات