عايز تطلق مراتك عشان نكديه أو بتطلب فلوس كتير؟ 🤔
خليني أحكيلك قصة لو فهمت معناها، هتعيش سعيد ومرتاح مع مراتك. 👩❤️👨
كان في راجل سعيد جدًا مع مراته، وفي يوم رجع من شغله حصلت مشكلة بينهم. المشكلة اتطورت لدرجة إنه مد إيده عليها. قرر يسيب البيت ويروح لوالدته وهو غضبان جدًا وقال لها: "أنا هطلقها غصب عنها، مبقتش قادر أتحملها ولا بقيت أحبها." 😡
رد والدته:
والدته استغربت وحاولت تهديه وقالت له: "اهدى واحكيلي إيه اللي حصل."
قال لها: "أنا مبقتش حاسس إني متجوز، انا زهقت من النكد انا عايز أطلقها!"
قالت له: "انت عارف خساير الطلاق إيه؟"
رد: "إيه اللي هخسره يعني؟"
قالت له:
هتدفع نفقة، مهر، ومؤخر. 💰
غير دهبها ال انت خدته تعمل بيه مشروع وفشل
و ممكن تمنعك تشوف ولادك. 👶
ممكن كمان تتمرمط في المحاكم⚖️
"لكن انا عندي حل يخليك تطلع بأقل خساير." 🤔
قال لها: "إيه هو الحل دا؟"
ردت والدته:
"هديك س.م أبيض تحط منه معلقة في الأكل بتاعها كل يوم، وفى 30 يوم هت.موت ببطء ومحدش هيحس بحاجة🕓
بس لازم تسمع الكلام اللي هقولك عليه عشان محدش يحس انك انت ال مو.تها:
روح دلوقتي راضيها وارجع لها بابتسامة. 😊
جيبلها كل طلباتها هي والعيال. 🛍️
دلّعها وخدها تخرج. 🌸
بلاش تخليها تحتاج أي حاجة أبداً."
نزل الزوج يهدأ شوية وقرر يبدأ التمثيلية ال والدته قالتله عليها
أما والدته، طلعت لمراته وقالت لها:
"انزلي روحي الكوافير وغيري شكلك. 💇♀️
اشتري كام قميص جديد غير اللي جوزك شافك بيهم"👗
ردت الزوجة بعد ما مد إيده عليا وهاننى!!😔
قالتلها هو جى يراضيكى دلوقتى اسمعى كلامى وهتشوفى 🤩
وفعلًا، الزوجة سمعت كلام حماتها، والزوج رجع البيت و بدأ يعتذر لها ويقول:
"أنا آسف، عمري ما همد إيدي عليكي تاني. أنتِ أم ولادي ووقفتِ جنبي." ❤️
وبهدوء بدأت حياتهم تتغير:
الزوج بقى يقابلها بابتسامة وينفذ طلباتها. 😊
الزوجة بقت تقابله بابتسامة وما تشتكيش من هموم البيت والعيال إلا للضرورة و لما يكون رايق. 🏡
فضلوا كده 15 يوم، وحبهم لبعض رجع أقوى من الأول. 💕
قرر انهم يسافروا يعوضها شهر العسل وساب ولاده مع والدته وقضى مع مراته أحلى 15 يوم♥️
وفي اليوم الـ29، الزوج افتكر إن الس.م خلاص هيق.تل مراته بكرا فى اليوم ال 30😱
، رجع من السفر و جرى على والدته وقال لها:
"أنا كنت غلطان، أنا اللي كنت بنكد عليها، أنا اللي كنت ببدأ الخناق، أنا اللي كنت مش بفكر أريحها ولا أنفذ طلباتها اللى هى ابسط حقوقها وكنت ببص برا البيت لحد مابقيت مش شايفها مليت عينى بالحرام ونسيت حلالى 💔 أبوس إيدك، عايز حل ينقذها!" 😢
ردت والدته بابتسامة:
"يا بني، أنا عمرى ما أذيكم كنت باختبركم اللى اديتهولك دا سكر بودرة😂. أنا عملت كده عشان تعرفوا قيمة بعض، وتعدلوا من نفسكم.
وطلع إنك أنت الغلطان فى الاخر والغضب عاميك وانت اللى كنت بتدور على اللي برا ونسيت حلالك."🤍
العبرة من القصة:
لو عايز تطلق مراتك ومش واخد بالك انك مقصر راجع نفسك
ولو بتبص لغيرها غض بصرك وبص لحلالك.😍
💬 الكلمة اللي ممكن تقولها لواحدة مش حلالك، مراتك أولى بيها.
حل مشاكل مراتك بدل ما تحل مشاكل زميلاتك.🥰
بإيدك ترتاحوا وتكونوا سعداء. 🕊️
المشاركات
تعليقات