حاجتين من أخطر المواقف اللي بتأذي الطفل و تضر جهازه العصبي

 حاجتين من أخطر المواقف اللي بتأذي الطفل و تضر جهازه العصبي

لازم و مهم نركز في إننا نتجنبهم :

1- إني اخد الطفل علي خوانه (أخضه) زي :

-إنه يكون بيعمل حاجة غلط و مندمج و ميكونش حاسس أصلا إني معاه في الأوضة و مديني ضهره فأتسحب و فجأة أقوله بتعمل إييييه و أزعق فيتخض جامد خصوصا الأطفال تحت 3 سنين قلبهم بيوجعهم من الحركة دي 😞

- يكون عمل حاجة غلط و خلاص إتكلمنا فيها و دخل أوضته و فجأة أحس إني كان لازم أشد عليه أكتر فبدون أي مقدمات أخش عليه اضربه 

- و طبعا الناس اللي بتلعب مع الأطفال بإنها تستخبي و تخضهم و تضحك لما يتنفضوا ,مش قصدي علي إننا نخبي وشنا و نقول بخ 😀 

2- إني اجبره يبطل عياط و أفضل أزعق و ابرق لحد ما صوت عياطه يبدأ يوطي و يتقطع و الحركة دي من الأسباب الأساسية اللي بتخلي الطفل يتأخر أو يتهته أو يقطع في الكلام 

*عموما الحاجتين دول بيوتروا الطفل بشكل مباشر و قوي لو بنعملهم كتير التوتر ده ممكن يظهر بعد كده في إن الطفل يكون :

1-عصبي 

2-بيخاف 

3-بتجيله كوابيس

4- بيتخييل حاجات مش موجودة و يخاف 

5- تبولا لا إرادي 

6-قرقضه أظافر و مص أصابع 

7-بيعييط علي أي حاجة 

8-عنيد 

و غيرها حاجات كتير بتختلف من طفل للتاني طيب لو عملت كده أقعد ألوم نفسي و أعييط بليل أكيد لأ 😀

عادي نغلط المهم نحل مهم لو حصل ده مني فورا 

-أعتذر للطفل بهدوء :أنا أسفه جدا إني عملت كذا (من غير بس إنت السبب)

- أقر بمشاعره : أكيد فعلا دي حاجة تضايق 

- ممكن أحكيله : أنا كمان حصلي كده مره و كنت متضايقه جدا (علشان يحس إنه مش غريب)

-إطلبي حضن : أنا محتاجة حضن لو تقبل أحضنيه لو لأ خليه براحته 

بس كده و ممكن وقت تاني لما يهدي خااالص تتناقشوا و تركزوا عالحلول 

رفقا بقلوبهم الصغيرة مش حمل خضة أو كبت ❤

* الطفل بيحس بصدقك لما تعتذر و بيسامح و في الغالب كل ما هتجاهد نفسك تبعد عن الغلط ده لو بيحصله أي أعراض من اللي فوق هتبدأ تقل مع الوقت لإن السبب مبقاش موجود 😊