طريقه تحضير كيكه البرتقال
 |
| طريقه تحضير كيكة البرتقال |
المكونات بالاكواب المعيارية
5 بيض بحرارة الغرفة
كوب ونص سكر
برش برتقالة
برش ليمونة
ملعقة صغيرة فانيلا
كوب زيت
نص كوب عصير برتقال
نص كوب حليب دافي
3 كوب طحين منخول مرتين
2 ملعقة صغيرة بيكنغ باودر
رشة صغيرة ملح
نص ملعقة صغيرة بيكربونات الصوديوم
ملعقة صغيرة خل
على سرعة عالية بخفق البيض مع السكر 8 دقايق حتى يصير الخليط فاتح وكريمي بضيف برش الليمون والبرتقال والفانيلا
بخفف السرعة وبنزل الزيت بالتدريج متل الخيط وبخفق شوي
بضيف العصير والحليب وبخفق كمان شوي
بضيف الطحين المنخول مرتين مع البيكنغ باودر ورشة صغيرة ملح وبخفق ع سرعة بطيئة دون ما كتر خفق
بفور بيكربونات الصوديوم بالخل وبسكبها عالخليط وبقلب تقليبه خفيفة وبسكب الخليط بقالب مدهون زبدة ومرشوش طحين وبدخلو فرن محمى مسبقا عال 160 بياخد 45 دقيقة تقريبا او حسب نوع الفرن .
المشاركات
تعليقات