طريقه سهله لتحضير الكنتاكي في المنزل
الطريقه :
فرخه تتغسل كويس وتتقطع 8 قبل التسويه هنغلى ميه للسلق وننزل فيها ملح فلفل لورا حبهان بصله مقطعه 4 زنجبيل نسلق الفرخه ونطلعها على مصفى ونسيبها تتصفى كويس من الشوربه .
نيجى بقى للخطوة التانيه للتحمير :
دقيق
كورن فليكس ( نضربه ضربه واحده بالكبه او نكسره بين راحه اليد عايزينه خشن )
نص معلقه من
بهارات
توم بودر
بصل بودر
فلفل ابيض
شطه اختيارى
حبهان مطحون
لورا مطحون
زنجبيل مطحون
بابريكا
ملح
كركم
معلقه نشا
معلقه بيكنج بودر
هنقلب كل المقادير مع بعض ونضرب بيضه مع شويه حليب وعليها ملح وفلفل اسود ننزل بالفراخ فى البيض وبعدين خليط الدقيق وبعدين مره تانيه فى البيض ومره تانيه فى خليط الدقيق لاعطاء طبقه سميكه مقرمشه وتدخل التلاجه مش اقل من نص ساعه وتحمر فى زيت غزير سخن وتقلب على كل ناحيه دقيقتين الى ان تاخد اللون الدهبى الجميل ترفع على منديل مطبخ وتقدم . وبالهنا والشفا
المشاركات
تعليقات