○ مشكلة بيعانى منها أطفال كتير وبتقلق منها كتير من الأمهات خاصة فى فصل الشتاء
○ لو مافيش أى سبب عضوى زى التهابات مجرى البول .. الارتجاع البولى ... أمراض المثانة .... أو البول السكرى .... بيكون الموضوع مش مقلق وبيتحسن لوحده بمرور الوقت ....وبيكون الموضوع ده فى الأطفال اللى محافظوش على سريرهم جاف منذ الولاده ... مش اللى اتحكم فتره تزيد عن ٦ شهور وبعدين بلل سريره تانى . ..
○ الأطفال دول بيتحسنوا لوحدهم كل لما بيكبروا ويقدروا يتحكموا اكتر فى العضلات ... يعنى النسبة بتكون ١٠% من الاطفال بعمر ٥ سنوات بتقل عند ٨ سنوات الى ٨% وبتقل الى ١% بعمر ١٤ سنه وهكذا ....
○ أسباب عدم التحكم بالبول ليلا ممكن تكون بدون سبب وده الأشهر ... ممكن يكون فيه تاريخ عائلى مماثل .... مشاكل نفسية....وممكن كمان نتيجة الاكثار من شرب الكافيين ....او وجود مشاكل صحية أخرى زى التهابات متكرره بمجرى البول ... بول سكرى ... امساك مزمن
نتعامل ازاى مع الطفل ده؟؟؟؟
♤ أول وأهم حاجة هى عدم توبيخ الطفل أو ضربه ... بالعكس لازم نحافظ على ثقته بنفسه ومايحسش انه بيسىء التصرف لان الموضوع خارج عن ارادته
♤ تحليل بول وبراز عادى لاستبعاد وجود مشاكل اخرى
♤ نبدأ بتدريبات يومية (هامه وفعالة):
■ عدم الاكثار من شرب السوائل قبل النوم ب ثلاث ساعات
■ الاقلال من السكريات والملح الزائد بالعشاء
■دخول الحمام قبل النوم بساعة ... وقبل النوم مباشره ... ونوقظ الطفل مره واحده فقط بعد النوم بساعتين .. ونحاول ان الطفل يكون واعى
■ الاكثار من شرب الماء والسوائل بالنهار .... والطفل يحاول يمسك نفسه عند الشعور بالرغبة فى التبول ( يزنق نفسه ) وبعدين يتوقف اثناء عملية التبول ويرجع يكمل تانى ... وده تدريب للتحكم اكتر
♤ مكافئة الطفل عند الحفاظ على سريره جاف
♤ لو حصل والطفل بلل سريره .... مانتعاملش بأى عنف أو توبيخ ... نخليه يساعد فى ترتيب سريره وتبديل هدومه على حسب سنه..... مانخليش أى حد من اخواته أو أسرته يعايره ....نفهمهم أن الموضوع عادى وغير معيب
♤ بنستخدم بعض الأدوية العلاجيه لبعض الأطفال غير مستجيبه لللتدريبات وسنهم اكبر من ٦ سنوات مثل الديزموبريسين .....ايمبيرامين ...او الاوكسيبيوتامين ...وذلك تحت الاشراف الطبى
المشاركات
تعليقات