نصائح لحياه زوجيه سعيده
١. أولا مش لازم تعوديه أن يدخل يلاقيكي علي سنجه ١٠ علشان لو جيتي يوم ومقدرتيش ميبقاش اسمك قصرتي عوديه أن يوم كده ويوم كده يعني مثلا يدخل يوم يلاقيكي لسه هتدخلي تاخدى الشور وتلبسي ويوم يلاقيكي جاهزه يوم مشغولة ومش قادرة لازم يشوفك في كل حالاتك علشان ميجيش يقولك إنتي اتغيرتي وبقيتي مهمله 👍👍
٢. بيتك لازم دايما يكون متروق ونضيف علشان لما يلاقيكي علي الفيس بوك ميقولكيش إنتي قاعده طول النهار علي الزفت ده 👍👍
٣. أول لما يدخل شيلي التليفونات من قدامكم واقعدوا اتكلموا مع بعض حتي ولو وقت الأكل والشاي علشان يتعود أنه يحكيلك إنتي مش لحد تاني تبقي إنتي الودن اللي بتسمعه والعقل اللي بينصحه والقلب اللي بيخاف عليه 👍👍
٤. وهو في الشغل ابعتيله قوليله بحبك أو وحشتني أو صوره ليكم سوا ليها ذكري مميزه أو صوره ورده أو قلب أو حتي بوسه حتى ولو بالكدب عوديه أنك دايما بتفكري فيه علشان هو كمان ميبقاش بيفكر غير فيكي 👍👍
٥. كل فتره اعملي صنف أكل جديد 👍👍
٦. طول ماهو في البيت صوتك واطي وشبشبك في رجلك فهماني طبعا هو جاي من الشغل قرفان عاوز يرتاح مش عاوز يتفرج عليكي وانتي بتجري ورا العيال 👍👍
٧. مش كل حاجه تعمليها بنفسك لازم تشركيه معاكي علشان يتعود أنه يشيل معاكي المسؤليه مش إنتي اللي تشيلي مسؤليته هو وعياله بس من غير زن اطلبي الحاجه بالعقل بالدلع بالمحايله مش بالزن 👍👍
٨. حاولي تبقي فاهمه طبيعه شغله كويس أوي علشان لما يحكيلك مشكله في الشغل تبقي بتقترحي حلول مش مجرد بتسمعي وبس علشان مترجعيش تعيطي وتقولي بيكلم زميلته في التليفون بالساعات 👍👍
٩. أوعي يوم تنامي مقموصه أو تديله الفرصه ينزل القهوه مقموص صفي يومك قبل نومك 👍👍
١٠ . أوعي تغضبي وتسيبي بيتك وعيالك دي مملكتك لو خرجتي مره ممكن التانيه ترجعي تلاقي ضره ووقتها هيقولك حقي وشرع ربنا 👍👍
١١. أوعي تجبريه يروح معاكي عزومه أو فرح أو تجبريه علي عزومة حد في البيت علشان لما يعزملك حد مش علي هواكي تقدري تقولي لأه 👍👍
١٢. المثل بتاع جوزك علي ما تعوديه دى حقيقه إنتي اللي لازم تعوديه مش هو اللي يعودك وانتي وشطارتك ولازم تتعاملى معاه على أنه ابنك لان الراجل طفل كبير 💚❤💙
المشاركات
تعليقات