#sheema_bk 💛
الجزء الأول ..
انا نارا وحيدة اهلي وياريتني ما نولدت بهل الحياة صغيرة لساتني عالوجع بس مع هيك حملتو من لما كان عمري 14سنة ابي حرمني كل طفولتي مو متشدد بس بخيل متل ابو نجيب يلي بزمن البرغوت واكتر من هيك عيني نبدا بالقصة من لما كان عمري 14سنة
ابي:نقبري طلعي شحدي شتغلي دبري مصاري والا والله والله يا نارا ما بتاكلي لقمة اليوم
نارا:(طلعت بقلب مكسور والغصة بقلبي وامي يلي ما كانت موجودة)طيب
طلعت ما بعرف لوين بدي روح من مين بدي اشحد ليش انا خلقت طفلة عم تتحمل وجع معقول اي معقول لسا في ناس وضعا اصعب من وضعي كتير ابهات هيك بهديك الليلة طلعت اعدت جنب الاشارة والناس عم تشمي وتسوق هوا رايح وهوا جاي يلعب بشعراتي الخفاف ليش انا من بين كل هالبشر الي صار فيني هيك ونصيبي نكتب هيك
#sheema_bk
رجعت عالبيت يادوب لامة قرشين
ابو نارا:اكل مافي اليوم مانك مجمعة شي
نارا:طيب
كانت ردة فعلي عادية دخلت ع غرفتي شوي لحقتني امي وطعمتني من حصتها بكرهو لابي يلي عيشنا بهل الظلم كل يوم على هالموال توقعت بس اكبر ما يخليني اطلع يغار على بنتو ولكن هذا ما يسمى بالرجل الديوث الذي لا يغار بيوم من هالايام كانت الساعة 4الفجر وحضرتو بدو يفطر كان الجو بارد وعم تمطر نايمة وما بحس الا على حدا بيمسكني من شعري
ابو نارا:قومي لحقي امك واشحدو يلا
نارا:(ابكي)بابا الله يخليك بابا والله الجو بارد ومافي شي دفي حالي فيه 😭بترجاك بابا
ابو نارا:قومي نقلعي
رماني قدام باب البيت هاد مو اب طلعت هون كنت كبرانة سنة بلشت امشي بعد ما تعبيت مي من المطر كنت ابكي وامشي بس هالبكي غطا المطر هيك ما عرفت وين روح شفت مسجد قلت لروح رحت وقعدت بمسجد النساء وبدون ما حس على حالي غفيت كان المسجد دافي ومريح
مجهولة:قومي خالتو فيكي شي
نارا:😭😭😭
مجهولة:ليش عم تبكي قليلي
نارا:اخخخخخخخ😭😭
مجهولة:(كانت مصدومة مني بعمر ال15عم قول اخ بكل وجع وابكي حضنتني وهدتني حسيت بحنان ودفا وشعور حلو خلاني هدي)يلا حبيبتي احكيلي شبك
نارا:بتوعديني ما تقولي لحدا والله اذا قلتي بدبحوني
مجهولة:لا قولي
نارا:اول وعديني
مجهولة:وعد
نارا:(وحكيتلا كل شي)
مجهولة:خدي هدول شوية مصاري يا عمري والله ما رح اقدر ساعدك
نارا:مو مشكلة المهم امنت لقمة اكلي
حطت علي جاكيت كان دافي كتير رجعت عالبيت العما بنت بهل العمر عنجد وجعي كان كبير ما بقدر اوصفلكن قد ما وصفتلكن ما حتتخيلو الحالة الي كنت فيها
ابو نارا:ممتاز مطالعة شي حلو وجايبة كمان شي يدفيكي هي حصتك بالاكل حافظي عليها للمسا
نارا:كيف بدي حافظ عليها واصلا م عنا براد
ابو نارا:نقلعي من خلقتي
دخلت عالغرفة وانا مكسورة جسديا ليش هيك انت ليش هيك عم تخلي بنتك تطلع بالشوارع وتشحد مو المفروض كون انا هلق بالمدرسة مو المفروض كون عم ادرس ايه ايه ناس عايشة ومرتاحة وناس مكسورة وتعبانة فعليا هالدنيا ما بتعدل ابدا دخلت امي وهي عم تبكي بعد ما ضربها ابي دخلت لعندي وشا احمر وازرق ومكسر اخ يا امي لو بقدر انقذك ونهرب بس م النا مهرب اذا اهلك تخلو عنك كيف بدنا نهرب
نارا:هدي ماما رح ينتهي هالعذاب
ام نارا:كيف اهدا وانتي ما دخلك
نارا:كيف ما دخلني
ام نارا:(صارت تبكي)حسبي الله ونعم الوكيل
نارا:(ما كنت فاهمة عليها ابدا واسالها ما تجاوبني)لو سمحتي ماما شوفي
ام نارا:نامي نامي الله يحميكي
نارا:(هزيت براسي بمعنى اي وبرمت تسطحت عالارض) يالله شو يلي عم يصير ليش بحس انو هاد ابدا مو ابي مافي اب هيك ابدا بس يمكن في ومخباين تسطحت ونصدمت انو ما فقت ع عياط ابدا ههه لساتو سهران الحمدلله بنبسط كتير لما ما بيرجع عالبيت برتاح نفسيا والله
ام نارا:صباح الخير😍
نارا:ههههههه يسعد صباحك
ام نارا:نازلة عم تضحكي شو القصة
نارا:لاني ما فقت ع عياط وقوم واشتغل
ام نارا:يلا بنتي جهزي حالك جاين ضيوف اليوم
نارا:مين هالضيوف بعدين ليش لجهز حالي طالعة عالشغل قبل ما يجي جوزك يشحطني
ام نارا:اليوم مافي شغل اليوم استراحة لهيك جبتلك بنطلون وكنزة جداد دخلي لبسيهم
دخلت وانا مو فاهمة بس الفرحة كانت عامة لما شفت تياب جداد لبست هالبنلطون والكنزة رفعت شعري يلي كان واصل حد خصري
نارا:فعلا ما بتستاهلي تحطي ميكب وعندك هيك جمال
ام نارا:ماشاءلله عليكي 😍
نارا:يلا شو القصة
ام نارا:جاين ضيوف لمسا بتشوفيهم
مرق هاليوم وانا مصدومة شو عم يصير حوالي
ابو نارا:اهلا وسهلا تفضلو تفضلو تفضل ابني
قعدو يحكو ما عرفت مين هدول
ام نارا:جيبي القهوة وتعي
نارا:جيب القهوة وروح استغفر الله مو عساس اليوم راحة
عملت قهوة ورحت طلعت كانو رجال ومرتو باين عليهن العز من التياب والشوكلاتة الي جايبينا وبنت وشبين الشب الاول كان مبين عليه انو كبير اما التاني باين بعمر 20
نارا:تفضل تفضلي تفضلي تفضل تفضل
ضيفتن😅
ام نارا:بنتي عدي جنب ابوكي
نارا:(وانا مصدومة)ليش لا امي بقعد جنبك احسن
ابو نارا:(بين عليه العصبية)
قعدت جنب امي اسمع شو عم يحكو
يتبع الجزء الثاني
يتبع الجزء الثاني👇👇
قصه صداع طفله الجزء الثانى
👇👇👇
قصه صداع طفله الجزء الثالث
👇👇👇👇
قصه صداع طفله الجزء الرابع
👇👇👇👇👇👇
قصه صداع طفله الجزء الخامس
👇👇👇👇👇
قصه صداع طفله الجزء السادس
👇👇👇👇👇👇
قصه صداع طفله الجزء السابع
👇👇👇👇👇👇👇
قصه صداع طفله الجزء الثامن
👇👇👇👇👇👇
قصه صداع طفله الجزء التاسع
👇👇👇👇👇👇👇
قصه صداع طفله الجزء العاشر
👇👇👇👇👇👇
قصه صداع طفله الجزء الحادي عشر
👇👇👇👇👇👇
قصه صداع طفله الجزء الثاني عشر
المشاركات
تعليقات