#sheema_bk 🍯💛
الجزء السادس ..
نارا:بدي روح عالمطبخ اشرب مي
جود:طيب لا تتاخري
نارا:اي تمام
راح جود ورحت انا عالمطبخ كان مارق ع زواجنا يعني شي فترة وسمعت بصوت داليا
داليا:هه لنشوف يا نارا اذا بتبقي عايشة اليوم شو حلو هالكاس فيه السم الي رح يخللصني منك حطين بالبراد شوي وبجي بقدمن
الخادمة:تمام
تخبيت لطلعو من المطبخ ودخلت فورا كبيت الكاسة الي فيها السم كبيتهم كلهم وعملت عصير من جديد وناديت للخادمة تقدمن لان ايدي كانو عم يجعوني
الخادمة:امرك مدام
طلعت مع الخادمة ضيفت الكل وحطتلي عصيري قدامي جنب جود رحت قعدت جنب جود وقربت منو كتير وهيك لصرت قريبة منو تطلعت فيه وشربتو من كاستي كنت مجبورةاعمل هيك داليا كانت تطلع بعيون كلها حقد وكانها عم تستنى شي ولما شافتني مقربة على جود انقهرت اكتر واضح في بينهم تار
نارا:بدك بصراحة يا مرت عمو انتي محظوظة بابنك بس هلق ابنك صار الي
جود:(كان مصدوم)احم احم
ام محمد:😂دخيل البك يا كنتي الحلوة
داليا:(عضت ع شفتها)كلو شقفة ولد
نارا:(فتحت تمي وحركت عيوني ع جود)بس هاد الي شايفتيه ولد يا انسة داليا بعيوني رجال
ام رائد:اوه نارا اليوم فازت ع داليا
نارا:ما فزت ولا شي مرت عمو الشغلة شغلة فن الرد وبس
داليا:....
كان مبين الشر بعيونها
جود:انا بستاذن اجاني تلفون
نارا:اي حبيبي ما تطول بتلفونك
جود:😳😉
راح جود وتاخر شوي ولحقتو داليا ف انا خفت بصراحة
نارا:انا رايحة شوف جود ليش تاخر
ام محمد:اي بنتي الحلوة
رحت وشفت داليا قدام جود
داليا:انا بشو اذيتك والله انا احلى منها ومعي مصاري وما كنت اقعد بالشوارع واشحد
جود:والمطلوب
داليا:طلقها
جود:جنيتي اكيد هاي الي شايفتيها هيك بتسواكي وبتسوا ميت وحدة متلك هاي الي شايفتيها هيك قلبي تعلق فيها من اول مرة شفتها قلبي حبها انا بحبها وهي ما بعرف اذا بتحبني او لاء
داليا:هيك يا جود هيكك
جود:اي هيك ونص
داليا:طيب هي ما بتحبك خلص اتركها بحال سبيلها
جود:انتي ما دخلك هي رح تحبني
طلعت فيهن قديشها قريبة منو دايقت وغصيت ونزلت دمعتي اجيت لارجع
نارا:(بضحكة خفيفة والدموع باينين مع اني ما سمحتلهم بس نزلو)ههه ا انا فايتة حضرلكن شي حلو تاكلوه
ام محمد:اي بنتي
دخلت عالمطبخ وبلشت ابكي بدون صوت هيك لشفت وحدة حطت ايدها ع كتفي
نارا:(مسحت دموعي فورا) اوه هي انتي خالة
ام رائد:لا تمسحي دموعك واضحين ليش عم تبكي ي قلبي
نارا:😭اخ يا خالتي اخخخ
ام رائد:لا تقولي خالتي قولي امي يلا قوليلي شبك
نارا:اوففف يا امي رح طق وحياة الله
ام رائد:انتي بهل العمر عم تقولي هيك
نارا:خالتي انتي ما بتعرفي شي عن حياتي😭
ام رائد:طيب امسحي دموعك وبكرة رح اجي لعندك بكون جود راح ع شغلو
نارا:ط طيب
ام رائد:حبيبتي انتبهي ع حالك ويلا ورجيني حلو من ايديكي
نارا:شكرا لاهتمامك فيني
راحت ام رائد وزرعت ابتسامة ع وجهي الحلو بالحقيقة ما بعرف ليش كل هاالاهتمام عملت حلو وانا مدايقة حطيتو بالبراد وطلعت لاقعد معهم شفت داليا قاعدة جنب جود ومقربة منو وكانها عم تجاكرني
نارا:(بين علي اني نزعجت ودايقت حقيقتا ما بعرف شو السبب)اي يا جماعة شو رايكن نقوم نشغل اغاني ونرقص شوي
الكل:تمام موافقين
نارا:احمد لو سمحت تساعدني بالبافلة
احمد:من عيوني
نارا:دخيل عيونك
واضح على احمد كمية الاعجاب فيني بس الي واضح على جود كمية الغيرة وهو ساكت بلش يساعدني احمد هيك لشغلنا اغنية دي جي اجنبي طيعا تعلمت كتير شغلات ف ما تستغربو شغلت الاغنية وطفينا الضو وشغلنا الالوان وبلشنا نرقص صرت ارقص خفيف مع احمد ونزل الشال عن كتفي اما جود كان قاعد ومتحمل وصاب والشرر بعيونو وكان عم يتحلفلي ل شي
جود:بعد هيك بدي ارقص مع مرتي
احمد:ما عم اسمعك
جود:(دفشو وبلش يرقص معي ولما نتبه انو الشال نازل عن كتفي)هالشال كم مرة بدي ثبتلك ياه وكم مرة بدي قلك تحطي
نارا:ما نتبهت وقت وقع ولو سمحت بدي روح شوف الحلو
دفشتو وانا مدايقة منو وتركت الشال بايدو ورحت عالمطبخ بعترف كان كفي كتير مبين بس شو اعمل انقهرت وقت شفت داليا معو وانا ما بعرف شو السبب
نارا:اوف منك اوف لايمت هيك ليش هالشعور ليش ليش انا بالذات ليش هالصداع ما عم يفارقني اخ راسييي امم شو لذيذة شكلها لحالو بهني
قطعتها واجيت لاطلع الخادمة الي ساعدتني بتقطيع وكذا
جود:وقفي عندك
نارا:انا
جود:اي انتي
نارا:شبدك
جود:هالشال اذا بينزل يا ويلك
نارا:طيب
قرب مني وثبتلي ياه ع كفي بدبوس كرمال ما يضل يتحرك طلعت قعدت ع كرسي لحالي وهو قاعد جنب داليا قدمو الحلو وكذا وشكلو صار خربطة بالصحون لانو داليا بعد م اكلت الحلو فورا تسممت واغما عليها بحضن جود😒 وابوها كان اكبر واحد ف الكل بحترمو وبخاف منو
الكل:(كانو قلقانين عليها وخايفين لاخدها جود عالمشفى والكل راحو ضل رائد)
رائد:يا ترى من شو تسممت
نارا:علمي علمك يعني م حدا غيرها تسمم بعيد الشر
رائد:الله يستر
يتبع الجزء السابع ..💛
المشاركات
تعليقات